بعد هجومه على "شيرين".. بهاء الدين مهاجمًا عمرو مصطفي: إدعاءات غير صادقة

أعرب الشاعر الكبير بهاء الدين محمد،عن استيائه من هجوم الملحن عمرو مصطفي علي الفنانة شيرين عبد الوهاب، وذلك بعد التصريحات التي صرحتها "شيرين"، ضد الملحن عمرو مصطفي، في برنامج "المتاهة" مع الإعلامية وفاء الكيلاني.

وقال الشاعر الكبير بهاء الدين محمد، علي صفحته الرسمية بموقع التواصل الاجتماعي "فيسبوك" موجهًا كلامه للملحن عمرو مصطفي:" أولا : فوجئت على أكثر من موقع إعلامي وصحفي إنك ذكرت أسمى وأسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فنية .
وتابع:" على ما أتذكر انك ماكنتش لسه موجود كملحن ف الفترة اللى بدأت شيرين فيها وجودها الفنى ولو كنت موجود كملحن ف بدايتك أظن من الصعب على شخصي وشخص نصر محروس إننا نتحايل عليك تسمع صوتها وهذا كلام غير صحيح ، ومش ح اتكلم عن الكلام التانى اللى انت كتبته عن شيرين، وتناولته المواقع و الصحف، اللي مايصحش أكتبه تاني لعدم صحته و لبواخته و تهوره".

وأضاف:"شيرين عبد الوهاب .. مطربة لها مكانتها ووجودها اللى أظن هجومك عليها بالأسلوب والمستوى ده كان تهور غير محسوب !!!".
واستطرد: نصيحة من أخ أكبر ليك : ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم ، وماعندناش نجوم كتير ف نفس المكانة .. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيرا منتظر منك الإعتذار للجميع لأنى أثق إنك بتحترم الكبار .

واختتم الشاعر الكبير كلامه قائلًا:" اخترت ردى يكون بنفس الاسلوب اللى اتبعته ف هجومك على شيرين وذكر اسمنا كشهود على وقائع لم تحدث".
هام جدا : إلى الملحن عمرو مصطفى :أولا : فوجئت على أكثر من موقع إعلامى وصحفى إنك ذكرت إسمى وإسم الأستاذ المنتج نصر محروس...
Posted by Bahaa El Din Mohamed on Wednesday, 3 February 2016