تمكنت مباحث السويس بالتنسيق مع مباحث الجيزة وقطاع الأمن العام، من ضبط اثنين متهمين المشاركين في حرق الملهي الليلي بمنطقة العجوزة والذي راح ضحيته 16 شخصا. حيث تم إعداد عدة أكمنة أمنية بمشاركة ضباط المباحث بمديرية أمن الجيزة، وتم تحديد أوصاف الدراجة النارية، وتمكنت قوة أمنية برئاسة العميد محمد والي مدير المباحث من ضبط المتهمين "حماصة" 18 سنه طالب بمعهد نظم ومعلومات مقيم إمبابة بالجيزة، ومحمد المجنون ميكانيكي، خلال تواجدهما بشارع الجيش بميدان الأربعين أمام محل كشري وحلواني شهير، حيث كانا يستقلا الدراجة النارية التى اصطحباها وتم ضبطهما قبل الفرار، واعترفا أنهما لجئا للسويس للاختباء لدي سيدة على علاقة بالمتهم الأول. وأعرب المتهم الرئيس "حماصة" عن ندمه لعدم تنفيذ السيناريو الأول، وهو خطف مدير المحل ردا على منعهم من الدخول، وقال: أنا حاسس إنى فى كابوس مش عارف أفوق منه، أتمنى أنه يكون كابوس وأصحى منه الإقينى يوم الخميس، اللى سبق الحادث، والله مش قادر أتخيل إنى عملت كده، إحنا كنا بنعمل لقطة بس الموضوع كبر منى. وحول الجريمة قال في تصريحات صحفية: أنا كنت سهران مع باقى المتهمين محمد الملقب بالمجنون، وجمال الملقب بميكى، والرابع الهارب، والكلام ده كان فجر يوم الجمعة الماضى، ورُحنا ملهى الصياد، قُلنا نسهر شوية ونرقص شوية، والعاملين بالمحل، طردونا إحنا الأربعة، وكان الكلام ده نحو الساعة 5 فجر الجمعة. وأردف: أنا اتصرفت واتصلت بأصحابى واحد منهم بيتشغل بودى جارد فى ملهى تانى فى المنطقة، و10 دقائق وصاحبى جه ولما جه الدنيا هديت بس بتوع المحل رفضوا أن إحنا ندخل المحل ونسهر فيه، اتفقنا نروح نسهر فى محل تانى، ورُحنا ملهى الدوحة سهرنا فيه، وإحنا قاعدين اتفقنا أن إحنا لازم نعمل لقطة على الناس ديه علشان مفيش حد يعلّم علينا، وفضلنا نفكر، وكانت الساعة نحو 6 الصبح، ولقيت المجنون بيقول ليّا إحنا نخطف مدير المحل، وأنا قلت له خطف يعنى شرطة والدنيا هتتقلب علينا ونتحبس، إحنا نولع فيه بس.