في بيتي عفاريت

صباح الخير استاذة نيفين
عندي مشكلة غريبة جدا .. انا امي مقيمة في بلد تانية بحجم شغلها وانا بفاقدها جدا ولاحظت من فترة حوالي 3 شهور اني بسمع صوتها بتناديلي طبعا بتخض جدا لاني عارفة انها مش هنا اصلا والغريب اني بطلع الصالة برة ابص اشوف ايه الحكاية وطبعا ما الاقيش حد والصوت بيبقى واضح جدا جدا انا ابتديت اخاف حاسة ان البيت مسكون ولا ايه مش عارفة وانا قاعدة مع اخويا وهوة طول اليوم في شغله ولما بحكيلة يقعد يضحك علية ويقول لي انتي بتخرفي وضربتي خلاص بس والله العظيم انا بسمعها بوضوح جدا .. اعمل ايه انا بعيش جحيم ورعب فظيع وشكرا وارجو الرد بسرعة .
ندى

فضفضة
محررة الصفحة .. نيفين حجازي
ندى .. مفيش عفاريت ولا حاجة .. كل الموضوع انك من كتر الضغط العصبي اللي انتي عايشة فيه بدأ يجيلك حاجة اسمها هلاوس سمعية ودي اسبابها كتيرة انا مش هقدر افتي في غير تخصصي لكن حسب معلوماتي ان دي هلاوس سمعية .. نصيحتي تعرضي نفسك على طبيب وهوة عنده الحل اكيد ان شاء الله وربنا معاكي ماتخافيش ابدا لكن خدي الخطوة دي ارجوكي .
[email protected]