مساء الخير أستاذة نيفين معلش انا عارفة اني بزعجك كتير برسايلي . طبعا حضرتك عارفة ان خطيبي شغله برة مصر ووسيلة الاتصال الوحيدة الموبايل والنت على الفيس أو الميل بس هوة بقاله حوالي أسبوع اتصاله بية قليل اوي وأنا ابتديت اقلق وآخر مرة أتكلنا كان اول امبارح وهوة الصراحة قال لي انه مشغول جداً وعشان ظروف شغله اتغيرت ومواعيده اتغيرت مبقاش يعرف يكلمني كتير وهوة كمان واحشني جداً جداً وكفاية اني مستحمله غيابه هوة عموما قدامة بتاع شهر ونص وييجي اجازة عشان نكمل فرش البيت وأنا مش صابرة وهوة بيكره الزن وأنا عارفة ان ده بيضايقه بس اعمل ايه انا حاسة بوحدة ومش بنام خالص ومش عارفة اعمل ايه ؟ ريري فضفضة محررة الصفحة .. نيفين حجازي يا ريري ارحمي الراجل من الزن اللي انتي عارفة انه بيضايقة وبما انك رضيتي من الأول بظروف شغله يبقى المشكلة عندك .. الصبر جميل .. هوني على نفسك .. كنتي قلتي لي قبل كدة ان ميعاد الفرح قرب يعني هانت وبكرة تيجي تشتكي من القرب مش البعد .. يا ريري عيشي يومك عادي ومارسي حياتك الاجتماعية عادي .. أتكلم خير وبركة .. ما حصلش يبقى خطيبك أكيد يا اما مرهق ونفسه ينام يا اما لسة في شغله .. وغير كدة أكيد هوة هيحب يتصل بيكي من غير ما تزني .. على فكرة .. ( الرجالة بتكره الزن جداً ) . [email protected]