معاد النكد .. بعد الإفطار

السلام عليكم استاذة نيفين وكل وعام وحضرتك بخير ,
المشكلة الأذلية بيني وبين جوزي كل رمضان , هوة مدخن وبيشرب قهوة وطبعا كعادة المدخنين في رمضان بيكونوا عصبين جدا .. ما بيفوتش رمضان إلا وإحنا دابيين كذا خناقة بسبب العصبية دي .. أصلا مفيش سبب حقيقي .. لكن إزاي هوة يفوت فرصة ؟ يعيا لو جوزي فوت فرصة الخناق .. المهم .. انا عايزة طريقة بحيث أفوت عليه الفرصة دي .. لانه مش ممكن إحنا كدة بنخسر صيامنا بيتهيألي ! وشكرا جزيلا .
فدوى
فضفضة
محررة الصفحة .. نيفين حجازي
فوتي الفرصة بإنك تشغلي راسك بحاجة غير انك تركزي معاه علشان ما تنفعليش على ما يقال منه .. وانتي كمان حاولي تهدي وبلاش فكرة التربص والتحفز .. وبعد الإفطار في لحظة مناسبة كلميه بطريقة لطيفة جدا واتفاهمي معاه واتفقوا على انه اول ما يحس بإنه هيتعصب يقعد يقرأ كتاب أو يدخل يصلي ركعتين لله أو يتفرج على حاجة تشغله كمثال .. المهم فوتي الفرصة دي .. ولما انتي تبقي فاضية شوية أقعدي معاه إتكلموا في موضوعات خفيفية وظريفة وأجلي كل ما هو مزعج لبعض الإفطار ودة مش معناه ان معاد النكد بعد الفطار ... طبعا لأ .. بشكل عام خلي الحوار بينكم خفيف ولطيف وخلي دي سمة باينة على علاقتكم ببعض وهو الأفضل .
[email protected]