ندى سلامة تنفي أخبار وفاتها

أعلنت عازفة الناي، "ندى سلامة" أنها على قيد الحياة، نافية الأخبار التي انتشر في الصحافة ووسائل الإعلام ومواقع التواصل الاجتماعي عن وفاتها أو انتحارها.

وكتبت منذ قليل، على صفحتها الشخصية على موقع التواصل الاجتماعي "فيسبوك":"انا ندي ولسه عايشه لو معني اني بتنفس اني لسه عايشه ، يمكن ده هيكون اطول شئ اكتبه ويمكن يكون آخر شئ اكتبه واهتم للناس فأكتبلهم ، انا حاولت انتحر اكتر من 5 مرات في 3 ايام وكل ده عشان بواجه مشاكل زي اللي الناس بتقابلها بس المشاكل دي كانت اكبر مني ومكنتش عايزه اورط حد فيها لانها كلها مشاكل انا السبب فيها انا اللي عملتها بس كنت جبانه اني اواجها ، احنا عايشين في عالم وسخ ، انا وسخه كمان زي العالم ده ساعات بنستحمل وساختنا بس مبنعرفش نستحمل وساخه العالم ، الموت شئ عظيم ممكن يخلصك من مشاكلك في دقيقه ويخلي كل الناس تسامحك علي كل وساختك ، بس الغريب هما ليه مهتمين بوجود الجسد كله بيدور حواليين جسدك طول ما جسدك موجود هيكرهوك واول ما يختفي هيحبوك ، ان كان الاعتذار واجب فبعتذر للناس اللي مش مهتمه لوجودك ولوساختك بس انت اللي تهمهم في اي مكان ، هتعامل مع مشاكلي وانهيها واخد فرصه جديده للحياه في عالم وسخ من غير ما اكون وسخ ، وفر اي طاقه تفكير هتفكر فيها عني وعن حياتي او عن موتي او عن مشاكلي او عن علاقتك بيا وفرها لحياتك في العالم الوسخ ، ووفر اي محاوله تواصل معايا حاليا ، انا شخص غير جيد لإي شئ في الحياه لحد ما ابقي جيده كفايه لنفسي ، اكرهني او حبني ده مش هيغير شئ في يومك".

كان محبو ندى سلامة، قد فوجئوا بخبر رحيلها أمس الأحد الذي أثار الكثير من مشاعر الحزن والأسى. وبدأ أصدقائها في ترك رسائل التوديع والحب والامتنان للحظات التى عاشوا فيها مع ندى، وما تركته في حياتهم من اثار طيبة.
عد ندى سلامة من أشهر الفنانات التي عزفوا على "الناي"، وتشتهر بالضحكة والبسمة باستمرار، حتى أصبحت تلقب "بصاحبة البهجة"، وكانت أخر حفلاتها الخميس الماضي الموافق 14 مايو 2015، في "علبة ألوان" بالزمالك.

Posted by Nada Salama on Monday, 15 June 2015