بالفيديو.. تعليق ساخر من هالة فاخر عن أزمة البطالة في مصر

قالت الفنانة هالة فاخر، ساخرة من إنتشار البطالة فى مصر: "الشباب المصرى أول ما بيتخرج بيبقى فاكر الدنيا بمبى، وإنه هايلاقى شغل على طول فى نفس مجاله، وفجأة يتصدم بالواقع وياخدها وظائف خالية، ويلف كعب داير".
وأضافت فاخر، خلال تقديمها برنامجها "هات من الأخر" عبر فضائية "صدى البلد"، اليوم الأحد: "تلاقى طالب صيدلة يقولك أنا هاشتغل صيدلى، وبعد التخرج إما ياخد وردية فى صيدلية يناول الدواء اللى على الرف للمرضي، أو يشتغل فى شركة أدوية ياخد الدواء من الرف اللى فى الشركة يوصلوا للدكتور، ثم تاتى المرحلة التالية وهى الخطوبة ويتوجه لأهالى حبيبته لخطبيتها ويتم عمل خطوبة كبيرة والناس تبارك لأحمد ونها، وبعد 5 سنوات أحمد ونها لسة مخطوبين، وأحمد مكملش الشقة، وجواب القوى العاملة لسة مجاش، وبعدين نها تقلع دبلتها، وتقوله لما جواب القوى العامة ييجى أبقى تعالى".