م الآخر| يوميات موسيليني وعطية.. ملكة جمال "سيدي كرير" (11)

أما عطية فمكنتش مركزة غير في .. الدبلة اللي في إيديها، عطية مكنتش مصدقة إنها أخيراً لبست الدبلة، ومن اللحظة دية عطية القديمة ماتت دلوقتي في عطية الجديدة بقوة الدبلة، وما أدراكوا ما دبلة الخطوبة عند البنات!
عطية قررت إنها تتألق وهي بتعمل حركات البنات حديثي الخطوبة يعني لازم تاكل بصوباعها اللي في الدبل.. تسلم بصوباعها اللي فيه الدبلة.. تعدل شعرها بصوباعها اللي فيه الدبلة.. تعمل باي وهاي بصوبعها اللي فيه الدبلة.. حتى لو وصل الأمر لأنها تلعب في مناخيرها فبرضو بتستخدم صوباعها اللي فيه الدبلة!
خلصت الخطوبة، وكل سنيورة من صحبات المخطوبة عطية روحت بعد ما رمت الهلب على كام عريس من صحاب الچينرال موسيليني... وموسيليني خد عيلته، ومشيوا بعد ما أدي كل فروض الخطوبة وفتح أكونت الفيسبوك وغير صورته حط صورة "سيلفي" ليه هو وعطية ملكة جمال "سيدي كرير" وعمل "أبديت" ل"ريليشن شيب" من "سينجل" ل "إنجادچد تو عطية" وبوضوح أكتر عطية مسيبتوش يمشي غير لما لموا اللايكات والكومنتات وفلترت ال"فريند ليست" يعني مسحت من عنده "ساسو العاشقة" و "توتة الكتكوتة" دي حتى قطعت العلاقات المصرية اللبنانية ومسحتلة "جوليا" ملكة اللايكات من الفريند ليست بتاعتة!
مشي موسيليني و جية وقت إحتفال "بيسو" الإبليس بتلميذتة النجيبة.. إنحنلها إبليس و قالها (شاپوة يا قطة شفتي بقي مسكة الإيد والسهوكة وحنفية عنيكي اللي انت كنتي قافلاها عملو إية!! وريني كدة الدبلة الله تجنن مبروك يا قمراية, بقولك حبيبتي إنت كدة تروحي وش تغيظي صحباتك اللي لسة متخطبوش وتحطي الدبلة في عينيهم, يلا سلام يا قمراية هاشوفك تاني و تالت و رابع أكيد طالما بتسمعي الكلام)
عدي 4 شهور علي خطوبة موسيليني وميس سيدي كرير وجية ميعاد إختيار الشقة ماهو يادوبك الجواز بعد سنة و نص يعني كان وقت مناسب جداً ليهم انهم يبتدوا يجهزوا لليلة الكبيرة.. عطية شرطت علية إنها عايزة تسكن في مدينتي (الله يرحم السيد الوالد) طبعاً مدينتي دي خلت موسيليني يجيلو إستبحس و مع إصرارها و دموعها وسهوكتها قام يا عيني دهن ڤولتارين عالإستبحس و نزل معاها راحو مدينتي
وأول ما وصلوا مدينتي
يتبع