بالفيديو.. هالة فاخر: لما تبقى مضايق افتكر خطابات "مرسي"

قالت الفنانة هالة فاخر أن الشعب المصري أصبح يعاني من الاكتئاب، قائلة :" الناس بقت كئيبة كدة ليه، أنا عارفة إن فيه أوضاع تقابل الواحد في حياته اليومية تفرس، لكن مش لدرجة الناس بتقابل بعضها في الشارع بتبقى عايزة تتف على بعضها، اضحكوا للدنيا تضحكلكوا".

وأضافت "فاخر" في برنامجها "هات من الآخر"، على قناة "صدى البلد"، اليوم الثلاثاء:"ده احنا الشعب المصري المعروف بخفة دمه، احنا شعب قلب أغنية صليل الصوارم وعملناها على واحدة ونص، وجبنا لبتوع داعش صليل في الصوارم".

وتابعت:"لما تبقى مضايق افتكر أي حاجة تضحكك مسرحية أو فيلم أو خطابات مرسي، أو أي موقف طريف مررت به".