بالصور..اصدقاء مؤسس تمرد يتهموه بالبلطجة وخطف معارضيه

خاص.. الفجر
قام بعض اصدقاء الناشط السياسي "محمود بدر" ، مؤسس حركة تمرد ، بإنشاء صفحة عبر موقع التواصل الإجتماعي "فيس بوك" حملت عنوان "اخطفنا احنا كمان يا محمود بدر" ، وقال مدير الصفحة:" بما ان الموضوع وصل للبلطجة، وتم اختطاف محمود السقا بسبب استيوس اعتبرها بدر اهانة لذاته، قررنا نفتح الفرصة للكل يكتب اللي هو عاوزه لمحمود ويعمله منشن، ولو يقدر يخطفنا كلنا زي السقا" ، مضيفاً :"ملحوظة مش مسموح بالسب والقذف مش عاوزينه ياخد فرصة يرفع علي حد فينا قضية او يقول اننا بلطجية".
وقالت نادية مبروك :"محمود ازيك فاكر العزومة اللي ملحقناش نرتبها، ومحشي ورق العنب اللي وعدتك بيه، احساسك ايه، فاكر لما قولتي اكتبي اللي انت عاوزه مش هنختلف في جوهريات، تصدق يا محمود طلعنا بنختلف في الجوهريات، كنت طول الوقت فاكرة ان الموضوع مجرد سوء تقدير بس للاسف الموضوع بقي اسوأ قبلت تشارك اسوأ الناس ورجالة الوطني وحازم عبد العظيم المطبع، بقيت كبير وعندك رجالة تدخل تشتم المخالفين ليك، وبقيت كبير وعندك بلطجية تضرب بيهم الناس اقولك حاجة يا محمود خايفة قوي في يوم من الايام اقف واهتف زي ما كنت انت بتهتف زمان واقول محمود بدر باطل ولا خايفة اروح اجيب سولاف من القسم او امن الدولة بعد مظاهرة ضدك الله لا يقدر وينجح مرشحك والاقي بنتي عايشة في مجتمع انت رمز من رموزه".
وهذا ما علقت عليه منة شرف الدين :" لا يا نادية متخافيش .. أنتي فاكرة محمود هيكون لسة في المشهد لما سولاف تكبر؟؟ يا بنتي ده هيتمسح من عالم السياسة تماما وربنا يستر وميتمسحش من الوجود أصلا .. لسة هيشوف اللي باع مبادءه وصحابه وتاريخه عشانهم هيعملوا فيه إيه ".
بينما علق صديق اخر لبدر قائلاً:" يا بنتي ده مجرد عروسة ماريونيت بيتلعب بيها ومجرد مادوره يخلص هيرموه في الزيالة زيه زي كل منافقي السلطان علي مر العصور"
ومن جانبه قال عمر القاضي :" أخبار القصاص لشهداء الثورة ايه يا محمود هل هو موجود في برنامج السيسي ؟ لو راجل بجد تعال رد بس انتي مش هترد عشان الرجولة بعتها خلاص".