أحمد حسن راؤول يكتب : شكرا.. نور عنيك ماتوا مالبرد !!

- ألو .. لو سمحت الحقونا في شباب فوق الجبل هيموتوا من العاصفة الثلجية ومش عارفين ينزلوا ..
- أكيد يا أفندم .. احنا معاك لخدمة السياحة .. الطيارة هتخرج حالا .. هما من بلدان ايه ؟
- هما مصريين ولاد بلدنا .. بسرعة بقا هيموتوا ..
- ممممم .. آسف يا أفندم .. الطيارة بتحتاج تصريح .. والتصريح بياخد 10 أيام .. احنا اسفين .
- ابوس ايدك هيموتوا .. أخويا معاهم .. طب هندفعلك اللي انت عايزو بس الحقوهم .
- طيب هنطلع اتنين بدو يدوروا عليهم ويحاولوا يساعدوهم .. مفيش في ايدنا الا كده دلوقتي .. لازم القيادة تبعتلنا .. احنا معندناش أوامر.. اللي مات مات .
- تييييت .. تييييييييت .. تيييت .. تم إغلاق السكة .


وأنت تقرأ في هذه اللحظة .. تخيل أن ابنك أو أخوك أو أختك هي المفقودة فوق الجبل في الجليد وتنتفض وروحها تهتز بداخلها وتقول :"الحقوني .. هموت" .. وتبكي وهي تشاهد أصدقائها بجانبها وأرواحهم تخرج منهم واحدا تلو الأخرى .


وانظر بعينيك إلى المشهد الآخر لمبارك وهو يأتي مستلقيا على ظهره في سرير على طائرة قوات مسلحة فخمة وهو متهم بقتل أخوتنا..


ويخرج "المواطنون الشرفاء" ليرددوا ما حفظوه في القنوات :"هما ايه اللي وداهم" .. "شباب وبنات سوا اكيد كانوا بيعملوا اجة غلط" .. "اوعى تشتم جيش البلد" .."الطيارة معرفتش تدخل" .. "ايه سفرهم في السقعة" .


لن أقول غير جملة واحدة .. "حسبنا الله ونعم الوكيل" ..

وتبقى جملة المشير السيسي هي الجملة الواضحة في هذا المشهد "انتوا مش عارفين انكم نور عنينا والا ايه؟!"

وبدل تصريح الطيارة .. انجزوهم في تصريح الدفن

شكرا سيادة المشير .. مات نور عنيك .

نور عنيك copy.jpg