أحمد حسن راؤول يكتب : مقال ثوري | محمد محمود و "أسلمة الأيادي"

بدأ البرنامج .. المخرج: شغّل تسلم الأيادي في البداية يابني.. الإعداد: يا أفندم دي ذكرى محمد محمود اللي الجيش قتل فيها الثوار مع الشرطة هنشغل تسلم الأيادي إزاي بس .. (بعصبية) المخرج: انت هتتناقش .. اخلص وابدأ بيها الحلقة مش عاوزين مشاكل انت مش عارف انك نور عنيا ولا ايه .


مكالمة من أحد مصابي محمد محمود ..
المذيع: أيوة يا أفندم إحساسك ايه النهاردة في الذكرى التانية لأصابتك في الشارع ده ؟ .. المصاب: كل اللي فاكرو ان صفقة الإخوان والعسكر راح بسببها الاف المصابين والشهدا , وبفكر الإخوان يوم ماقالوا علينا في مجلس الشعب بلطجية .. المذيع: وحاسس بإيه دلوقتي ؟ .. المصاب: حاسس ان اتضحك علينا .. وبيتضحك علينا .. ولسة هيتضحك علينا .. المذيع: احممم شكرا ليك يا أفندم وربنا مايجيب ضحك ..


المنتج: اعملولي مداخلة مع المتحدث العسكري للإحتفال بالذكرى .. تييييت .. ألووو ..
المذيع: اتفضل يا افندم احنا مع حضرتك عالهوا .. تحب تقول ايه في الذكرى التانية لأحداث محمد محمود ..
المتحدث: والله أحب أحيي الشعب المصري وأقولهم ان محمد مرسي هياخد جزاؤه على قتلو لجيكا في الذكرى الأولى للأحداث ..
المذيع: طب ويا أفندم ماهو المشير طنطاوي مات في عهدو (اللي هو وقت الأحداث) 50 واحد ليه ماتحاكمش زي مرسي ؟.. وكمان هتحاسب مرسي وتسيب وزير الداخلية والضباط والعساكر اللي قتلو بإديهم ؟؟
المتحدث: ممم احمممم .. وأحب أقول للشعب خبر هيفرحهم اننا سمينا الشارع باسم "عيون الحرية" وهنعمل جرافيتي على جدران الشارع كلو بصور الشهداء اللي سقطوا في هذا الشارع .. اتلهوا يا شعب .. احمم قصدي افرحوا يا شعب.
مقدم البرنامج : يا أفندم هتحط صور ناس الجيش والشرطة اللي قتلتهم ؟ وبعدين هل يصدق ان الجيش والشرطة يدعوا للإحتفال بيوم هما اللي قتلوا فيه الشعب ؟

تييييت .. تييييت .. الخط فصل ..

شاشة سودا .. بيان هام من إدارة القناة :
تم وقف البرنامج لإخلاله بشروط العقد المبرم بينه وبين القناة .. وشكرا
اه وعلى فكرة .. السيسي مالوش دعوة .