بالفيديو.. "وائل غنيم" رجل الإخوان الخفى يتجسس على الجيش

محمد جزيرة

نشر الاعلامى "عبد الرحيم على" من خلال برنامجه "الصندوق الاسود" على قناة القاهرة و الناس ، فيديو لمحادثة بين "وائل غنيم" مفجر الثورة ، و شخص مجهول الهوية .
و تضمنت المحادثة الاتى :
وائل غنيم: أيوه ياحبيبي

س: أيوه يا باشا

وائل غنيم: قول لي إنت قلت لي كلمني حالا إيه المشكلة؟

س: كان جالي معلومة في اللحظة دي معلومة مؤكدة جدًا إن الجيش فيه إضراب عام في كل القطاعات يوم 1 مارس المصدر اللي كان جايبلي المعلومة دي كان جايبلي معلومات كتير قبلها وكانت كلها مؤكدة

وائل غنيم: إن الجيش نفسه حيضرب؟!

س: آه كل قطاعات الجيش عاملة إضراب يوم 1 مارس هم يعني مقدمين طلبات برفع المرتبات بشكل معين وقرروا إن هيبقى فيه إضراب في كل قطاعات الجيش يوم 1 مارس إذا ماستجابوش للمطالب دي قيادات الجيش دي كانت معلومة والمعلومة التانية اللي كان قالها لي كمان كان قالها لي في نفس اللحظة هي معلومة مش مهمة أوي بالنسبة لنا في الوضع الداخلي بس هي بالنسبة لك إن بحب أقول لك أي تطورات تحصل .. كان حصل تحرشات بين السفن الإيرانية العسكرية التي كانت في البحر الأحمر في المياه المصرية مع سفن أمريكية عسكرية كانت بتعدي في نفس الوقت وحصل تأهب عام لكل القطع البحرية المصرية التي كانت في السويس والقطع البحرية الإسرائيلية في ميدان إيلات أعلنت برضه التأهب العام وقررت إنها ستتدخل لصالح الأسطول الأمريكي وبعتت لها رسالة استغاثة.. إضراب الجيش حاجة تقلق بصراحة أنا حبيت أقول لك لأن هو من جهة هو الموضوع يعني إذا احنا يعني هو فيه جانبين في الموضوع هو دلوقتي مطالب الضباط ديه غالبًا حيستجيبوا ليها بس الموضوع يعني في قلق واضح إنه جو الجيش في حاجات إحنا منعرفش عنها حاجة ده من جهة وجهة تانية أنا مش عارف بقا اللل إن إحنا دلوقتي بالنسبة لنا عندنا بعض المطالب ماهي دي فرصة إن إنت تقول مطالبك بشكل أقوى يعني.

وائل غنيم: لأ أنا .. أنا دلوقتي طلعت خلاص من المشهد ده يا .. أنا طلعت خالص من المشهد يا أحمد ومش عاوز أدخل تاني بقى وسيب الناس السياسيين هم يقطعوا في بعض .. أنا ما...

س: جبتلي اسم الولد اللي أنا قلت لك عاوزه؟ .