اقباط سوهاج يوزعون ديوان شعرى للبابا شنودة بعنوان"دموعنا وتحطم قلوبنا"

وزع نشطاء اقباط من ائتلاف اقباط مصر بمحافظة سوهاج ديوان شعرى بعنوان " دموعنا وتحطم قلوبنا " يعبرون من خلالة مدى الحزن والفراق على فقيد مصر والامة العربية قداسة البابا المعظم الانبا شنودة الثالث بابا الاسكندرية وبطريرك الكرازة المرقسية .
هذا وقد اكدت اماندا اسطفانوس مسؤل حركة اقباط مصر بسوهاج ومدونة ديوان الشعر فى تصريح خاص ل" بوابة الفجر " بانها لا تقدر مدى الوصف الاحساسى بداخلها والتى تشعر بة من حزن وأسى على فراق قداسة البابا الذى خيم الحزن فى قلوب المصريين والعالم العربى اجمع وانها كتب هذا الديوان كتعبير بسيط عما تشعر بة من داخلها حيث قالت هذا الديوان كالاتى :
أتقال كلام كتير ولساني من حزنه عجز عن التعبير والدموع مهما نزلت مش هتخلص ولا تعبر عن حزن ملاين وجرح هيفضل سنين،هيفضل لحد مانشوفك تاني مع ربنا ومخلصنا الي طول حياتك بترجعنا ليه وتعلمنا ازاي نقرب ليه ونرضيه وتقولنا:ربنا موجود اتكلوا عليه.واحنا دلوقتي ياسيدنا بنتكل عليه في تعزيتنا ومسح دموعنا وفي تحطم قلوبنا بنصلي ليه ونقول البابا شنوده شفيعنا هيشفع لينا في السموات ويشيل عنينا الالمات وينظر لينا ويشجعنا في الضيقات..ايوه الضيقات الي لما كنت معانه كنت بحكمتك تنسينا الي اساء الينا وبضحكتك تداوي جراح قلوبنا وبايمانك وقوتك علمتنا،علمتنا يا معلمنا ويامعلم كل الاجيال اننا نتمسك بكلام الهنا مهما كان المكان والزمان وانا مهما اقول واكتب كمان في حاجات عنك الكلام من جمالها يعجز عن وصفها وفي حاجات مهما اعيش واشوف مش هلاقي في حد غيرك زيها
شعر الناشطه اماندا اسطفانوس مسؤوله ائتلاف اقباط مصر بسوهاج والمنسق العام لحركه اقباط لا يخافون الموت