دي أعراض ناس يا راجل

السلام عليكم ورحمة الله وبركاته ....
انا مخطوبة من 3 سنين وانا وخطيبي واخدين على بعض بحكم العشرة وطول مدة الخطوبة وهنتجوز ان شاء الله كمان شهرين لكن المشكلة اللي بيني وبين خطيبي بدأت من بعد ما اتخطبنا بحوالي 4 أو 5 شهور
لما كان بيصر كل مرة نتقابل فيها انه يعاشرني معاشرة زوجية وانا لسة مش على ذمته ولا حتى مكتوب كتابنا وانا بصراحة محرجة منه ومن اني ارفض طلبه عشان كدة قلت اتعامل معاه معاملة وسط بين البينين لكن برضه مش عاجبه ودايما بيتهمني اني مش بحبه ونبدأ ندخل في مناقشة طبعا بتنتهي بخناقة كبيرة وأروح بيتي زعلانه منه جدا .. مش عارفة ليه حاسة انه المفروض يحافظ علية اكتر من كدة بكتير , وبالرغم من اني مش حابة ازعلة الا اني بحس بعدم راحة .. ياريت تفيدوني لأن الموضوع بيننا اتأزم جدا .
ن . ن
فضفضة
لا معنى لعتاب نفسك , رفضك كان رد الفعل الطبيعي وفي الوقت نفسه ألوم عليك في اختيارك لحل بين البينين كما ذكرت , وشعورك بعدم الراحة يؤكد لك ان الإنسان بطبيعته ينفر من الخطأ أو الحرام , فرضا .. وافقت على طلب خطيبك ولاقدر الله حدث خلاف اضطرك للإنفصال .. ما الموقف ؟ .. ستقعين بالفعل في مصيبة ليس لها حل .. لا تنساقي خلف طلب خطيبك أرجوكي وأمامك حلين إما أن تتهربي من هذا الحوار بلطف إما ان تواجهيه بسؤال وهو ( انت ليه مش خايف علية ) وأنا شخصيا أميل إلى الحل الثاني فالمواجهة أفضل الطرق لحل المشكلات .