الفجر تنشر نص شهادة أحد المحامين المعتدى عليهم فى أحداث قسم شرطة بولاق ابوالعلا

حصلت بوابة الفجر علي نص شهادة الناشط السياسى محمد صبحى عضو حركة 6 إبريل وأحد المحامين الذين تم الاعتداء عليهم من ضمن 11 محامى أخر فى أحداث قسم شرطة بولاق ابو العلا ، والتى تضمنت لقاء النائب العام المساعد المستشار حسن ياسين بمكتبه يوم السبت الماضى .

والذى قال فى شهادته أنه يوم السبت 16 فبراير كان المفروض أن يتم نظر تجديد حبس الناشط حماده المصرى
كما عرفنا ايضا انه تم تلفيق قضيه أخرى له وهو بالحبس وتم التحقيق معه فى نيابه الدرب الاحمر وتم حبسه 4 ايام على ذمة التحقيق كماعرفنا ان حماده لن يتم تجديد حبسه فى نفس يوم السبت 16 فبراير وسوف يتم تجديد حبسه يوم الاحد 17 فبراير
المهم لم نكن متأكدين أن حماده هايتعرض امتى وفين والنيابه بتقول ماعرفش حاجة ؟
المهم تقدمت انا ومجموعه من زملائى بطلبين للنائب العام يحملون ارقام 2646 و 2660لسنه 2013 عرائض نائب عام وكنت بطلب فيهم تحديد ميعاد ومكان تجديد حبس الناشط السياسى حماده المصرى ومكان محبسه وتصوير القضيه الملفقه الخاصه بنيابه الدرب الاحمر وطلب التحقيق مع رئيس نيابه الدرب الاحمر لامتناعه عن تطبيق القانون
وتقابلنا مع السيد النائب العام المساعد المستشار حسن ياسين وقمنا باطلاعه على طلبتنا واثناء ذلك دخل عليه شخص طويل وعريض وبيزعق لمدير مكتب النائب العام وبيقوله "هو انت على رجليك نقش الحنه " انت تجيلى هنا بسرعه ودخل مكتب المستشار حسن ياسين ومعاه اثنين حرس بسلاح ولما سألنا عرفنا انه مندوب من رئاسه الجهموريه .
الغريب فى الموضوع ان حسن بك ياسين قام بسرعه و جرى ناحيه الباب وقابله احسن استقبال لدرجه انه نسىء أن أحنا مازلنا قاعدين ومعملش حسابنا وقام مندوب رئاسه الجمهوريه بوضع يده على كتف المستشار حسن ياسين وقال له " القضيتين دول يخلصوا " قاله ياباشا اكتبلى بيهم تظلم دلوقتى ونخلصهم فرد مندوب الرئاسه وهو فى حالة عصبية شديدة " انا اللى هاكتب التظلم " وعقب ذلك طلب حسن بك السكرتير الخاص بتاعه وقاله اكتبلى التظلمين دول وحصل وخلصوا القضيتين .
الجدير بالذكر اننى أردت التحدث مع مندوب رئاسه الجمهوريه وزميلى محمود صلاح المحامى فضحكناله وقولناله كويس انك بتتعامل معاهم كده اصل الراجل مدير مكتب النائب العام فعلا راجل "مش محترم " لكن النائب العام والنائب المساعد محترمين وقولناله قصه مش حقيقية عشان يفتكر اننا بنشتكى له فقال لنا رئيس النيابه اللى مزعلكم انقله لكم الصعيد
اقسم بالله العظيم الكلام ده كله حصل فى مكتب النائب ( الخاص ) نائب الجماعه المستشار طلعت عبد الله.