بالفيديو .. "العليمى": المشير طنطاوى "حمار".. وهو المجرم المسئول عن الفوضى فى مصر

من جديد يفتح النائب زياد العليمى النارعلى المجلس العسكرى والمشير طنطاوى ،فبعد ان وصف المشير بالمجرم فى مجلس الشعب وان احداث الفوضى تصب فى مصلحة المجلس العسكرى ،قام بإنتقاد المشير والمجلس العسكرى فى احد لقائاته الجماهيرية عقب احداث بور سعيد.
وحمل المجلس العسكرى والمشير طنطاوى مسئولية كل الاحداث الدموية والتخريبية فى مصر قائلا:"ان احداث بور سعيد وميت بشار بالشرقية والعامرية وسيناءوقنا المسئول عنهم اللى بيقسم مصر واللى خرجنا ننادى بسقوطه فى 25 يناير 2012 اللى بيقسم مصر هو المجلس العسكرى اللى مهتم بأنه يفرقنا كلنا "
وانتقد فكرة الخروج الامن للمجلس العسكرى وقال:"المجلس العسكرى مجرم ولا خروج امن لمجرم فى مصر "
واضاف :"المجرم اللى قتل الناس فى الاستاد هو نفس المجرم اللى طلع وقال المصريين ساكتين ليه .. المجرم بالنسبة لينا معروف مش مدير الامن ومش المحافظ ولا وزير الداخلية ".
كما قال :" مش كل مرة نسيب الحمار ونمسك البردعة ..احنا عارفين ان المجرم هو الحمار "
وسأله احد الحضور : "مين الحمار ؟ "
فرد علية : "الحمار المشير طنطاوى " .
واكد على قوة الشعب المصرى وعدم رضوخه لاى ظالم او مستبد ، وان قوة الشعب تزيد والعدو ( المجلس العسكرى ) بيعمل جرائم وخايف من الحساب .
وقال :" ان ال80 مليون اللى مقبلوش ان يحكمهم مستبد مش هيقبلوا ان يحكمهم عسكرى فوق ال80 " .
وسط هتافات من الحضور :
"يسقط حكم العسكر " ، "احنا الشعب الخط الاحمر " ،" القصاص القصاص فى القراءن الراس بالراس " ، "الشعب يريد اعدام المشير"،"دى مش فتنة طائفية دى مذبحة عسكرية "