والدة الناشط محمد الجندى: ربنا يحرق قلب مرسي والشاطر وبديع على ولادهم زى ما حرقوا قلبى

أذاع برنامج " العاشرة مساء" مداخلة هاتفية مؤثرة للسيدة نادية الشيخ، والدة الناشط محمد الجندى، عضو التحالف الشعبى، الذى يرقد داخل العناية المركزة بين الحياة والموت والتى اثارت حزن المشاهدين حيث قالت: إن جماعة الاخوان المسلمين بكل قياداتها ووزارة الداخلية مسئولة عما حدث لابنها الشاب الذى يدفع ثمن انضمامه للتحالف الشعبى قائلة : أنا إبنى مش حرامى..أنا إبنى مثقف ومعاه 3 لغات، وإن كل جريمة إبنه هو إنه رفض أن يشتمه أحد الضابط بامه فرد له الشتيمه قائلا له : "إخرس يا كلب.. أنا إمى أشرف منك" فكان مصيره، أن تم إختطافه، وإلقائه فى الجبل الاحمر.
وقالت والدة الجندى موجهة كلامها للاعلامى وائل الابراشى : يوم الموقف العظيم حاطلب من ربنا يحاسب الرئيس محمد مرسي، والاخوان المسلمين، وكل اللى بيحكموا لانهم هم المسئولين عن اللى حصل لابنى.
وقالت والدته إن إبنها محمد بين إيدين ربنا...ومش حاطلب من الاخوان إنهم يساعدوه ، لكن باطلب من ربنا بس.. لان محمد ابنى بيسفرنى عمرة كل سنة وبيلف بلاد العالم كله.
وقالت والدة الجندى " حسبى الله ونعم الوكيل فى الاخوان وفى الرئيس محمد مرسي ومحمد بدىع
أنا دم إبنى فى رقبة خيرت الشاطر ومحمد بديع ومحمد مرسي.. وربنا حياخدهم وينتقم منهم ويوريهم النار اللى عايشة فيها.