بالفيديو.. مدير مباحث الدقهلية ل"المتظاهرين": إحنا بندافع عن مكانا وإشمعنا دلوقتي جايين تحدفوا طوب؟

تداول نشطاء مواقع التواصل الاجتماعى، فيديو يظهر العميد سعيد عمارة، مدير مباحث مديرية أمن الدقهلية، أثناء محاولته تفريق المتظاهرين المعتدين على قوات الأمن المسؤولة عن تأمين مبنى المديرية، قائلا لهم: أن نقل تظاهراتهم من ميدان الشهداء أمام مبنى المحافظة لمديرية الأمن والاعتداء على الشرطة يعد من أعمال الشغب ويضعهم تحت طائلة القانون.

وناشد عمارة المتظاهرين، قائلا: "كلكم قد ولادي ولا هاتقدر تعمل حاجة، ولا هاتقدر توصل صوت، وممكن ناس تنضرب ولا قدر الله تموت ومفيش حد هايتحبس، لأننا بندافع عن مكانا.. يا بهوات افهموا، أرجوكم افهموا، فيه ميدان هناك تعبر فيه عن نفسك، لكن لو جيت هنا حطيت نفسك تحت طائلة القانون، ونقلت مظاهرتك من سلمية لشغب، وطالما جيت عند مديرية الأمن وحبيت تحدف طوبة عند مديرية الأمن بقيت مشاغب، هتتاخد وهتتحبس، وعلشان تبقى فاهم هتحدف طوبة هتنضرب غاز".

وأضاف عمارة: "إنتوا 100 مرة جيتوا عند المديرية بطريقة سلمية إشمعنا دلوقتي جايين تحدفوا طوب؟"، أنا مليش دعوة بالإخوان، يا رجالة إحنا ولاد وطن واحد".