بالفيديو..دينا رامز لناشط نوبي علي الهواء:إنت عاوز تحجر عليا وتشيل السلاح في وشي كمان

نشبت مشادة علي الهواء بين الإعلامية دينا رامز أثناء تقديمها لبرنامج إستوديو البلد علي قناة صدي البلد وأسامة فاروق الناشط النوبي والمدير التنفيذي لحركة كتالة النوبية بسبب الاختلاف في الآراء مما استدعي تدخل اللواء سامح سيف اليزل الخبير الإستراتيجي لفض الاشتباك وتوضيح الأمر.

وقال أسامة فاروق إن النوبة لم تأخذ بل عطت لمصر- حسب قوله- ونحن أصل مصر ولا يمكن أن نحافظ علي نظام ضد قومية لأن هذا يعد خللا .

وانتقد أسامة فاروق ربط الإعلامية دينا رامز في حديثها بين النوبة والعشوائيات وقال لها:حضرتك جبتينا هنا لإحراجنا وأنا طلبت مداخلات لناس عندهم مشاكل في أسوان وإنتوا جبتم ناس لهم وجهة نظر أخري وإنتي متأكدة إن المكالمات اللي بتتصلوا بيها حقيقية .

فما كان من الإعلامية دينا رامز إلا أن قالت "إحنا ما بنتصلش بالناس ودي المكالمات اللي بتجيلنا عادي ولم أقل عشوائيات وإنت مش سامعني أنا قلت مشروعات قومية وإنت مش مديني فرصة أتكلم وعاوز تحجر عليا إنت هتشيل عليا السلاح كمان"

وتدخل اللواء سامح سيف اليزل قائلاً "مصر تعلو علي الجميع ولا يعلو عليها إلا الله سبحانه وتعالي وصدي البلد ما بيتصلوش بحد وكل الناس هي اللي بتتصل بنفسها موضحا أن رامز قالت زي ما إحنا بنهتم بالعشوائيات في مشروع قومي لازم نهتم بالنوبة "