الاخوان السبب في خراب بيتي

السلام عليكم
أنا متجوزة من سبع سنين ومن ساعة ما الاخوان مسكوا البلد وانا وهوة على خلاف فظيع .. وهوة برغم من انه عرف غلطته بعد ما رشح الاخوان بسبب اللي كل الناس عارفينه الا انه لما بيدخل معايا في نقاش حول الأوضاع الحالية لازم نتخانق خناقة كبيرة جداً بسببهم .. الاخوان خربوا بيتي .. أنا مش فاهمة جوزي !! يعني هوة بنفسه بعد ما تابع الاخبار وشاف الكدب الفظيع اللي همة فيه قال أنا غلطت لما اديت صوتي ليهم بس كان عندي امل .. ماشي يا سيدي .. طيب ليه بيقعد يفرسني بسيرتهم ؟؟! يعني إحنا مشاكلنا كلها خلصت ما فاضلش غير الاخوان اللي نتخانق بسببهم ؟؟؟ ومش كفاية اللي عملوه في البلد ؟؟ خراب في خراب ..
أرجوكم يا جماعة أنصحوا جوزي بكلمتين خصوصا اننا اصلا كنا سعداء وهوة عارف اني هكدب المشكلة دي وبيتحداني لو لقيت حد عبرني ووقف في صفي أرجوكم ما تكشف نيش
مدام آلاء