نشطاء يهاجمون "قانون التظاهر": مرسي وجماعته يعجلون بنهايتهم.. و القانون ماجابش سيرة " النستو "

شن نشطاء على موقعي التواصل الاجتماعي "فيسبوك" و"تويتر" هجوم على نص مشروع قانون "التظاهر والاعتصام" الذي أعدته اللجنة التشريعية بمجلس الشورى، والذي حدد وقت الاجتماعات من السابعة صباحا حتى الحادية عشرة مساءً فقط، وأن تكون المظاهرات من السابعة صباحا حتى السابعة مساءً فقط، ولرجال الشرطة حضور الاجتماعات، وأيضا استخدام الوسائل المتبعة لتفريق المتظاهرين إذا هددت المظاهرة الأمن العام.


وقال ناشط على موقع فيسبوك معلقا على نص القانون:"مرسى وجماعته وميلشياتهم يعجلون بنهايتهم والنهاية ستكون دامية قاصية"، وأضاف أخر :" أي بلد في العالم لما بيطلع فيها قانون بيقعدوا يناقشوه الا احنا بنقعد نضحك عالقوانين من كتر ما هى مسخرة".. وبالإضافة للهجوم على القانون شن النشطاء حملة سخرية على القانون، حيث قال أحد النشطاء :"إيه ده يعني مفيش مظاهرات سواريه.. القانون ده تحطه في درجك"، وأضافت ناشطة :" طيب وبالنوسباه للهتافات .. ممكن ناخد بدل هتاف من الحكومة .. لحسن نقول ألفاظ ولا حاجه".

ومن أبرز التعليقات التي جاءت على مواقع التواصل الاجتماعي على القانون ما يلي:

- قانون التظاهر مفيد للصحة ,يخليك تصحي سبعة الصبح و تنام سبعة بليل #تبرير الاخوان حيكون كدة

- مافيش ميد نايت ولا اييييييييييه

- من سبعة لسبعة ؟ ايه التظاهر اللى بيخلص فى ساعتها ده

- نسيو يحطو بند الموبايل نخليه عادى والا سايلنت

- عايز المظاهرة ڤيرساتشي...والهتاف برضه ڤيرساتشي... يا آااييه!

#قانون_التظاهر_الجديد اللى عاوز ثورة بعد كده يعملها داونلود اسهل !


- أجمل حاجة فى #قانون_التظاهر_الجديد هو رؤية بدل مازنجر بتاعة الشرطة وهى بتتمرمط والعربيات الهامر وهى بتبلغ فرار ... تحيا الثورة

- كانوا مفروض يضيفوا مادة فى #قانون_التظاهر_الجديد في حالة تقاعس #الداخلية او انسحابها يحق للجماعة نزول الميليشيات ..

- #قانون_التظاهر_الجديد .. ماجابش سيرة النستو ...... الحمد لله .. كنت حامل هم الموضوع ده جدا ..

- القانون ده عشان تنزل تتظاهر و تروح بعد سبعة عشان تتفرج على المظاهرة بتاعتك على التلفزيون