للرجال فقط .. كلام في سرك

مشكلتي في الصلع المبكر ولما رحت لدكتور قال لي ده وراثي ... أنا سني صغير لكن موضوع الصلع مكبر شكلي أوي والموضوع ده مضايقني بجد .. فكرت ازرع شعر لقيته مكلف وغير كدة كمان التعامل معاه في التسريح صعب وعايز حرص فخطر لي فكرة الباروكة .. أنا بقول الكلام ده أفيد بيه كل الرجالة اللي بيعانوا من نفس المشكلة .. المهم دخلت على النت واتفرجت لقيت كمية بواريك وموديلات كتيرة والجديد منها مايبنش خالص .. على فكرة أنا بتكلم بجد ... رحت للحلاق بتاعي وحكيتله الموضوع وقال لي هيجبلي كذا واحدة ونشوف ايه الشكل اللي هيمشي مع شكلي ونقيت واحدة فعلا ومش عايز اقول لكم قد ايه أنا منشكح دلوقتي ههههههه لكن في المستقبل هتواجهني مشكلة ... لما أجي ارتبط ببنت ،،، لكن اكيد هعترفلها بالحقيقة وانا ونصيبي بقى
سعيد