"بوابة الفجر" تقدم : ألش حرب أكتوبر .. والحدق "يضحك"

احمد حسن راؤول

الشعب المصري بطبعه خفيف الدم, ويتغلب على مومه بالضحكة والنكتة, عشنا هذا في ثورة 25 يناير ونعيشه الآن سويا في ذكرى حرب أكتوبر ..

وبوابة الفجر تقدم لكم .. "ألش حرب أكتوبر" :

لو الفيس بوك موجود أيام الحرب كنت هتلاقى العيال الخربانة تقول .. اللى نفسه الجيش يعبر " يضغط لايك " اللى نفسه مصر ترجع سينا يعمله شير ..

وواحد ينزل صورة المشير الجمسى مع موشي ديان .. ويكتب .. الجمسى لايك .. ديان كومنت .. تحدى يا مصريين

كنت هتلاقي الأدمنز بتوع البيدجات منزلين لينكات و بيقلك لمشاهدة الحرب أونلاين اضغط على الرابط التالي xDxD

أدخل لمشاهدة بث مباشر لحرب أكتوبر

ولابقي كميه الألش وكميه الأخبار الأونطة xD

و تغير صورة البروفايل
واللى نازل الحرب يرزع لايك

وتلاقي بقي الكل حاطط صورة علم مصر بروفايل بيك .. واستيتيوهات من نوعية "إسرائيل يا عرة .. الحرب مستمرة" و"مصر قالت كلمتها .. إسرائيل تحت جزمتها " و مش بعيد يعملوا استفتاءات تتوقع فوز مصر و لا اسرائيل و لا تعادل؟ .

ذكريات الفنانين مع حرب أكتوبر :

- في ذكرى حرب أكتوبر لا ينسى الشعب المصري دور الفنان القدير "نبيل الحلفاوي" في إختراع "العسلية المخرومة من النص" .
- أكثر فنان لا ننساه في حرب أكتوبر هو الفنان محمود ياسين الذي حارب 4 مرات في 4 أفلام, والمفاجأة أن الرصاصة لا تزال في جيبه.

اللاعبون في حرب أكتوبر :

صاحب أول "ضربة ركنية" في حرب أكتوبر وقاموا بالغناء له "من أول ضربة ركنية .. فتحت لنا باب الحرية" .. إهداء للواء الساحر الخلوق ( محمد محمد محمد محمد أبو تريكة) .


أحمد شفيق:

لا ننسى في هذا اليوم العظيم ان نذكر الدور العظيم الذي قام به الفريق أحمد شفيق, فهو الجندي الوحيد "اللي قتل واتقتل" في حرب أكتوبر .. رغم انو محاربش أصلا .


وكان تصريح الرئيس محمد أنور السادات بعد الإنتصار هو :

"لو مكانتش الحرب في رمضان .. كنا عملنا فيكم حجات وحشة"


نأتي إلى "تويتر في حرب أكتوبر" :

- لو تويتر كان موجود ايام حرب اكتوبر كان اللي بيحاربوا هيقعدوا يزايدو علي بعض وده يقول انا اللي قتلته وده يقول لا ده انا .
-
- عايزين يبدلوا الاسرى بفولورز يا ريس .
-
- فى دبابه نصر موديل 73 بيج مختفيه اللى عنده معلومات يبلغ الجهات المعنيه وشكرا لتعاونكم معنا .
-
- انتا جاى تحارب ولا تتويت ، لا الصراحة انا جاى اتويت .
-
- الاشتراكيين الثوريين يقاطعون حرب اكتوبر لعدم اهلية قيادات الجيش المخططه لها !
-
- محدش يضرب بازوكة يا جدعان خلونا نحافظ على سلمية الحرب عشان منظرنا قدام العالم .
-
- انا بتويت من فوق خط بارليف بعد ما اتهدم..انا مش مصدق نفسي !


وأثناء الحرب حدثت أزمة في خراطيم المياه ففتح السادات الموبايل وكتب على صفحته الخاصة على تويتر مايلي :

محتاجين خراطيم مية عند خط بارليف ضروري ..شير وريتويت ياجماعة #عبور #خراطيم

فردت عليه السيدة جيهان السادات :
Take care ya baby..

فرد عليه المخلوع :
الفانتوم حاطة علينا ياريس

فرد عليه السادات :
أنا اللي هحط عليك لما أشوفك يابن ال...


هذا هو المصري .. في عز الأزمة "يقول نكتة" .. ووسط الحرب .. "يقول نكتة" .. صدق من قال :
الضحكة سلاح المصريين ..


وإليكم عرض عسكري "فيسبوكي" بالذخيرة الحية :