هاشتاج "#هننضف_لو" يكتسح تويتر كمحاولة لعلاج السلبيات في مصر

اكتسح هاش تاج "#هننضف_لو" موقع التواصل الاجتماعى "تويتر" بين النشطاء المصريين لرصد السلبيات في مصر ومحاولة علاجها في جميع جوانب الحياة.
فعن التعليم قال Ahmed Hanafy: #هننضف_لو اهتمينا بالعلم و العلماء و الباحثين ربع اهتمامنا بالكورة و الفن و الراقصات!!، وقال @m7mOdich: #هننضف_لو 1 في اليابان تدرس مادة من أولى ابتدائي إلى سادسة ابتدائي اسمها "طريق إلى الأخلاق " يتعلم فيها التلاميذ الأخلاق والتعامل مع الناس !
فيما تكلم البعض عن المعاملات العامه وقالت سُهَيْلَه @sudonqol :#هننضف_لو بطلنا نسخر من اى حد و احترمنا رأينا و رأى غيرنا، فيما قال@omar3moor4 : #هننضف_لو كل واحد بطل يقول (وهى يعنى جات عليا) .. هننضف لو كل واحد شغل مخه و عمل اللى عليه و غير من نفسه
وقالت @mayevanscence: #هننضف_لو بطلنا نكفر ونجرد من الوطنية ونتقبل اراء بعض من غير شتيمة وسب بأقذر الالفاظ، وقال @go2mostafa97 : #هننضف_لو شغلنا دماغنا وبطلنا نقلد وخلاص !
وقالت @yomnahegab1: #هننضف_لو كل واحد اتعامل بضمير و راعى ربنا فى كل شىء بيعمله..، وقالت @MaNaRmAnNoRa :#هننضف_لو كل واحد احترم راى الاخر، فيما قال@mido_madamido2 : #هننضف_لو .. عاملنا الراجل البسيط زى ما بنعامل اى حد مهم ونحترمه ونحسسه بوجوده !!