محمد على أبو عميرة يكتب: مين قالك أنت اللى حبيبى

مين قالك انت اللي حبيبي
ومين قالك في هواك راح أطيب
وعيونك بتزيد تعذيبي
وباشوفهم بانده لطبيب
يدبحني ويقولي دا عيبي
بالذمة ودا يبقى حبيب
مين قالك انت اللي حبيبي
ومين قالك في هواك راح أطيب....
.....................................
تجرحني ولا فارقة معاك
وفاكرني متيم بهواك
وهاقضى العمر استناك
او هاجري وراك اترجاك
وفاكرني هااموت لما تغيب..........
مين قالك انت اللي حبيبي
ومين قالك في هواك راح أطيب
.......................................
بتعدي امامي بتتمخطر
يامه عدى عليا وكان أخطر
لا ياحبي كان غيرك اشطر
مين قالك علي بصلة راح أفطر
وانا عارف انك ها تخيب........
مين قالك انت اللي حبيبي
ومين قالك في هواك راح أطيب
.......................................
انا عارف كان فيه ناس حِشرة
لا تصون الملح ولا العشرة
ووصفولك كله علي النشرة
وضربولك اخباري في عشرة
وكله دا وهم وتكذيب
مين قالك انت اللي حبيبي
ومين قالك في هواك راح أطيب
........................................
كدبوا عليك وانت ماصدقت
وسمعت وكان عندك وقت
وبالبعٌد انت اللي بدأت
وانا صابر وانت اللي خطأت
وتداري وفاكرني غريب
مين قالك انت اللي حبيبي
ومين قالك في هواك راح أطيب