"خناقة الشيخ زايد".. نص التحريات في اتهام إمام عاشور بالتعدي على فرد أمن بمول

ساعات قليلة وتنظر محكمة جنح الشيخ زايد أولى جلسات محاكمة إمام عاشور لاعب النادي الأهلي ومنتخب مصر في اتهامه بضرب فرد أمن في مول بسبب معاكسة زوجته.
ينشر "صدى البلد" نص محضر تحريات الشرطة في الاتهام المنسوب إلى امام عاشور بضرب مشرف أمن بمول بالشيخ زايد والتسبب في فقدانه الوعي.
محصلش ومضربتش حد.. نص أقوال إمام عاشور في "خناقة المول" قبل محاكمته|مستندات
إمام عاشور يفاجئ جمهور الأهلي بهذا التصرف قبل مباريات السوبر المصري
وجاء نص المحضر كالأتي:" أنه بتاريخ 2024/8/25، تحرر محضر بالواقعة، وبإجراء التحريات حول الواقعة وظروفها وملابساتها ومن خلال فحص الواقعة رصد مقاطع فيديو التي تداولت عن الواقعة ومطالعة تعليقات النيابة بسؤال الأطراف والشهود.
وأشارت التحريات، أنه تم رصد مقطع فيديو لزوجة امام عاشور صحبة مرافقيها اثناء خروجهم من دور العرض وقيام أحدهم بالتحدث مع مجموعة من الاشخاص غير محددين استغرق الوقت دقائق معدودة.
أوضحت، التحريات، أنه حضر امام عاشور لاعب كرة القدم بالنادي الأهلى، إلى المول محل الواقعة وكان صحبته مجموعة من الشباب غير محددين وتوجهو إلى المول في حالة اندفاع وصولا إلى منطقة موقف السيارات الجراج، حيث تقابلوا مع المجني علية وحدث بينهما مشادة كلامية حاول خلالها أمن المول تهدئتهم ولكن فشلوا وقاموا بالتعدي على فرد المول.
كما حصل موقع "صدى البلد" على أقوال إمام عاشور أمام النيابة العامة خلال مواجهته بالاتهام المنسوب اليه بضرب مشرف أمن بمول بالشيخ زايد والتسبب في فقدانه الوعي، وتضمنت نصوص التحقيقات الأقوال التالية:
اسمي امام عاشور متولي عبد الغني
السن 26
العمل : لاعب كرة قدم بالنادي الأهلي
س: ما قولك فيما هو منسوب اليك من انك متهم بالتعدي عمداً بالضرب علي المجني عليه عبدالله مصطفي بأن أحدثت به الإصابات الموصوفة بالتقرير الطبي والتي أعجزته عن أشغاله مدة تقل عن عشرين يوماً علي النحو المبين بالتحقيقات؟
ج - محصلش.

مراتي اتعاكست

س- ما تفصيلات ما حدث وما هي ظروف تقابلك مع المجني عليه عبدالله مصطفي؟
ج - اللي حصل انا كنت في الرحاب في التجمع الخامس مع صاحبي محمود وجالي تليفون من مراتي بتقولي ان فيه شباب عاكسوها وعايزاني اكلم معاذ اخوها اهديه علشان ميعملش مشكلة وساعتها انا كلمت عمر اخو مراتي الكبير وقولتله قول لمعاذ يهدي ميعملش حاجة ولما تطلعوا من السينما في اركان بلغوا مشرفين الامن باللي حصل ويتحفظوا عليهم لحد ما أجي ونعمل محضر ولما وصلت لقيت مراتي قعدة في العربية اخدت معاذ اخوها الصغير ودخلت معاه أركان ومشرفين الامن حاولوا يوقفوني ويقولولي استني استني فانا دخلت وجم ورايا علشان معاذ قالي انهم متحفظين عليهم في الباركنج اللي تحت ولما نزلت تحت ملقتش حد وكان فيه زحمة لان الناس اتلمت لما شافوني وانا كنت بقول هما فين هما فين وبزعق وساعتها مشرفين الامن قالولي انت بتزعق ليه انتم المفروض متحفظين علي شباب عاكسوا مراتي هما فين طبعا محدش رد عليا وكذا واحد من مشرفين الامن طلعوا تليفوناتهم وانا بتكلم وبيصوروني وقولتلهم انتم بتصوروني ليه وحصل ازدحام في اللحظة دي وانا مشتبكتش مع حد فيهم وبدور وشي لقيت عبدالله واقع علي الأرض ومشوفتش عبدالله غير وهو واقع علي الأرض وأول ما شفته واقع علي الأرض انا جريت عليه ولما وقع علي الأرض انا قلعته الجزمة وبحاول افوقه وفاق بعدها علطول وقولت للناس بعد اذنكم يا جماعة وسعوا علشان الراجل اللي وقع ياخد نفسه ولما قام وفاق قعد يقولي انه عنده اسرة واولاد وعايزك تساعدني والموضوع انتهي واخدت بعضي ومشيت والراجل اللي وقع اللي اسمه عبدالله بقي كويس واخدت مراتي واهلي وكانوا مستنيين بره مول أركان وروحنا واتفاجئت لما روحت ان فيه خرابيش في ايدي من الزحمة والزق ومراتي قالتلي انت ساكت ليه متعمل قضية قولتلها انا مش عايز اؤذي حد.