هل توجد خلافات بين فريق العتاولة؟.. مي كساب توضح الحقيقة

أكدت مي كساب أنه لاتوحد خلافات بين فريق مسلسل العتاولة خلال لقائها في برنامج الراديو بيضحك.
وقالت:" كنا حابين بعض، ومكانش عندنا مشاكل مع بعض، وأنا كان بقالي فترة كبيرة مقررة إن محدش يستدرجني لأي مهاترات فاضية، ولو فيه أي أجواء مش بشوفها ولا بلتفت ليها، وحتى لو التفت بيكون لمدة الوقت اللي حكيت فيه، وبعدين بطنش لأني جاية بشتغل وعاوزة أعمل فن ومش فارق لي غير كده.
كشفت الفنانة مي كساب عن إقناعها الفنانة شيماء سيف للخضوع لعملية تكميم معدة.

مي كساب: أقنعت شيماء سيف بعملية تكميم المعدة
صور في 4 سنوات.. تفاصيل فيلم "ضي" ل كريم الشناوي
وأوضحت مي كساب، في لقاء إذاعي لها، أنها لاحظت معاناة شيماء سيف مع السمنة خلال التصوير، قائلة: لما روحت ليها في المسلسل ألف حمد لله على السلامة ضيفة شرف، وإحنا بنعمل أحد المشاهد، شفتها مش مرتاحة قلت لها مالك قالت لي رجلي تعباني، ووصلت لوزن أكتر من لما كنا في بنصور مسلسل أحلام سعيدة.
وأضافت:"قرار اتخذها لعملية تكميم معدة لم يكن سهلًا عليها، وحينما رأت نتائجه أقنعت شيماء سيف، معقبة: أنا كنت خايفة من العملية جدًا والموضوع ده مكانش سهل بالنسبة لي أني آخد قرار كبير زي ده، ولما خدته وشفت العواقب بتاعته وأني ما حصليش حاجة وأني مرتاحة أقنعت شيماء سيف.
وتابعت:" في آثار جانبية للعملية، ولكن بالنسبة للآثار الجانبية بتاعة التخن ولا حاجة، الشعر بيقع ماشي والجسم بيحتاج شوية فيتامين، العملية بتهذبك غذائيا وبتكون عارف أنت رايح تاكل ايه الأكل بيكون قدامي أنا بروح للمفيد، مش بجري ورا المكرونة والعيش، لأني عارفة إن وجبتي قلت.
وأشارت: قلت لها ما تخافيش وأنا هفضل معاكي، وحكيت لها كل اللي حصلت لي من وقت ما عملت العملية والعملية مفيهاش خطورة ولا حاجة، ورشحت لها نفس الدكتور وقلت لها لازم تعملي كده علشان صحتك.
واستطردت: شيماء سيف كوميديانة من طراز خاص يعني خفة الدم مش موجودة، وسواء هي تخينة أو رفيعة هي بتضحك ببقها علشان الحملة اللي اتعملت وأنها خسرت نص كاريزمتها، مفيش حاجة اسمها كده هي مش بتضحك بالكرش والدهون بتضحك ببقوها بإفيهاتها اللي مفيش زيها وزي ما عندنا عمالقة في الكوميديا زمان هي عملاقة في الجيل الموجود ومش محتاجة تكون تخينة ولا رفيعة أهم حاجة صحتها.