انفراد.. نص اعترافات متهم باستهداف كنيسة المرج: اتجوزت مراتي الداعشية في 2022

خلية استهداف كنيسة المرج، التي اتهمت فيها النيابة العامة 14 متهما بينهم 8 سيدات، وحملت رقم 31369 لسنة 2023 جنايات المرج والمقيدة برقم 510 لسنة 2023 حصر أمن الدولة العليا ورقم 391 لسنة 2023 جنايات أمن الدولة العليا، وعرفت إعلاميا ب«خلية استهداف كنيسة المرج».
انفراد| متهم باستهداف كنيسة المرج: اقتنعت بفكر داعش.. ومراتي فرحت لتجهيزي عملية إرهابية
انفراد| اعترافات متهم بخلية استهداف كنيسة المرج : اتجوزت مراتي 3 مرات
حجز إعادة محاكمة متهم في «أحداث مسجد الفتح» للنطق بالحكم
انفراد| نص تحريات الأمن الوطني في استهداف كنيسة المرج وأفراد محطة المترو
اعترافات متهم بقضية كنيسة المرج
وينفرد موقع صدى البلد بنشر نص الإعترافات، حيث قال المتهم محمد أبو ضيف خلال تحقيقات قضية استهداف كنيسة المرج: «أنا مليش علاقة بأي جماعات إرهابية ولا عمري انضميت لأي جماعة في حياتي ولا حتى مولتها، بس أنا كنت مقتنع سنة 2018 بفكر تنظيم داعش التكفيري القائم على تكفير كل من لم يحكم بما انزل الله سواء أهل بيته أو مؤسسات بيته أو مؤسسات الدولة، وده كان من خلال إصدارات التنظيم اللي شفتها في آخر سنة ليا في مركز وادي النطرون وساعتها كنت بنفذ حكم بالجسن 5 سنين في قضية أحداث مسجد الفتح، ومكنش ليا علاقة بالأحداث خالص».
وأكمل المتهم في اعترافاته بقضية استهداف كنيسة المرج «كنت بشوف فيديوهات عن داعش واتعرفت في السجن على شاب كان محاسب وأهله عايشين بره وحاول ساعتها يقنعني بفكر داعش، وكان بيفرجني على مقاطع فيديو للعمليات بتاعت داعش في سوريا والعراق ومقاطع صوتية لترسيخ وتأصيل الفكر الداعشي، وساعتها أنا اقتنعت بالفكر الداعشي وكان في ناس كتيرة مكنتش مقتنعة بالفكر ده ومنهم الشيخ رزق وده كان من المنوفية، وساعتها قبل ما أخرج قعد معايا وقالي الفكر ده غلط، لأنهم بيكفروا أي حد مش تبعهم وساعتها اقتنعت بكلامه وعدلت عن فكري».
وتابع المتهم خلال اعترافاته بقضية خلية استهداف كنيسة المرج: «لما خرجت من السجن مكنش ليا أي علاقة بأي حد من الناس المسجونة لحد قبل 2020 ساعتها كلمت أحمد يوسف وطلبت منه اني عاوز اخطب أي واحدة تكون ملتزمة وكنت عارف أنه هيجيبلي واحدة على المنهج والفكر الداعشي بتاعه بالرغم انه مش عدل عن فكر داعش، بس على الأقل هيجبلي واحدة بتصلي وتصوم وملتزمة، وساعتها عرفني على واحد اسمه محمد خالد عنده 30 سنة وشغال محاسب وزوجته اسمها هبة القاضي وعايشين في دار السلام ووصلني بمحمد خالد وساعتها الأخير لما عرف أني بدور على عروسة قالي ان مراته تعرف ستات كتير».
وأكمل المتهم إعترافاته بقضية استهداف كنيسة المرج بالقول: «كلمني بعدها قالي أن في واحدة مناسبة ليك وهي زوجتي الحالية سندس، وفعلا ضبط معايا يوم وروحت عنده البيت عشان اشوفها ولما روحت قعد يكلمني عن الأمير بتاعهم وعن داعش وأنه بايع أمير داعش، وحاول يقنعني بالفكر وطلب مني أودي البيعة للأمير الجديد لأن القديم مات وقالي ان مراتي على نفس القناعة بالفكر وساعتها قعدت معاها واتكلمنا وهي قعدت تقنعني ساعتها بنفس الكلام وتقولي انهم بيقيموا دولة الخلافة، وساعتها قولت لها مش وقته الكلام في الموضوع ده لأن الأهم عندي الجواز عشان سني كبر وقعدنا نتعرف على بعض، وبعدها قابلت أهلها ووالدها كان رافض في الأول بسبب اني هعيش في القصير في البحر الأحمر والمسافة بعيدة».
وأضاف المتهم خلال اعترافاته بقضية خلية استهداف كنيسة المرج : محمد خالد قالي لازم تعملوا عقد شرعي وده عبارة عن اتنين شهود وولي ومالوش علاقة بعقد الزواج الرسمي وكانوا شايفين ان ده العقد الصحيح للشريعة، ومحمد خالد كان الولي بتاع سندس مراتي لأنهم كانوا شايفين أن أبوها كافر عشان مش تبع الدولة ومش مقتنع بالفكر بتاعهم، وميعرفش أن بنته على الفكر التكفيري، وفعلا عملنا العقد ومشينا وفي بداية شهر يوليو 2022 اتجوزت انا وسندس وكتبنا الكتاب رسمي عند المأذون وبعدها بكام يوم عملنا فرح في قاعة بعين شمس وكنت ساعتها عازم أهلي وأهلها بس ومعزمتش محمد خالد ولا أي حد من اللي كانوا معتنقين الفكر التكفيري وبعدت عنهم انا وزوجتي لاني مش مقتنع بالفكر ده.
وأكد المتهم : «بعد الجواز طلبت من مراتي انها ترجع عن الفكر ده وتمسح القنوات بتاعت الناس دي وفعلا هي عملت كده مسحت الإصدارات وكل الحسابات بتاعتها اللي كانت بتابعهم من عليهم وبقيت أنا وهي في حالنا وفي شهر فبراير 2023 لقيت محمد خالد بيكلمني وقالي ان في أخ لسه متزوج ومحتاج أي مساعدة أو اعانة سواء بفلوس أو ادوات منزلية وأنا عرضت على مراتي واتفقنا ان الحاجة الزيادة في العفش بتاعنا نروح نقدمها للناس دي وفعلا جهزنا بطانية وأدوات مطبخ وروحنا مع محمد خالد للراجل اللي قال عليه وكان ساكن في المرج قريب من محطة المترو.