فضيحة بأطفيح.. إحالة قضية صور زنوبة ونجلاء للجنايات

أحال المحامي العام الأول لنيابة جنوب الجيزة الكلية، عامل مسجد وممرضة تدعي نجلاء من أطفيح الى محكمة الجنايات لاتهامهما بخطف زميلتها الممرضة التي تبلغ من العمر 24 عاما وهتك عرضها بالقوة، بعد أن استمعت النيابة الى أقوال المتهمة.
نص أقوال المتهمة :
س: ما تفصيلات اقرارك ؟
ج : "اللي حصل انى انا وزنوبة شغالين في عيادة دكتور نسا وتوليد ومن فترة حوالي ثلاث سنوات جبنا انا وزنوبة ملابس داخلية في العيادة وبعدين صورتني بالموبايل وكنت بقيس الملابس الداخلية وانا كنت موافقة وبعدين هي هددتني بالصور اللي معاها ليه وانا كنت ظاهره في الصور بالملابس الداخلية وقالتي هورى الصور دى لجوزك ومن حوالي عشرين يوم تقريبا كانت في العيادة وكانت جايبة ملابس داخلية وكانت بتغير هدومها وانا صورتها بالملابس الداخلية برضه وهي شافتني وما اعترضتش وبعدين جتلى البيت يوم الخميس المغرب تقريبا وانا قولتلها امسحى الصور اللي عندك اللي انا ظاهرة فيها بالملابس الداخلية وانا همسح الصور اللي معايا ليكي وبعدين انا طلبت منها تفتح التليفون بتاعها وهي رفضت وبعدين رحت رمياها على الأرض وحطيت بلاستر على بوقها عشان متصرخش والناس تسمع صوتها وبعدين روحت مقلعاها هدومها وروحت مصوراها فيديو على التليفون بتاع جوزى وبعدين انا روحت شلت البلاستر اللي كان على بوقها وجبت ليها ميه بسكر وبعدين طلبت منها انها تمسح الصوروبرضه موافقتش وبعدين كانت لابسه خاتم وحلق قلعتهم ليها وسبتهم عندي في البيت وسبتها تمشي وخرجت في الشارع وصوتت وبعدين الناس اتلمت وبعدين الحكومة جت قبضت عليه انا وجوزي واخدونا علي المركز وجابونا انهارده علي هنا وهو ده كل اللي حصل".
وجاء بأمر الإحالة ، أن المتهمين خطفا بالتحايل المجني عليها بأن استدرجاها لمكان قاص (مسكنهما ) بزعم مرض المتهمة، الأولي، قاصدين من ذلك إبعادها عن أعين ذويها وقد إقترنت تلك الجناية بجناية أخري هي هتك عرض المجني عليها بالقوة بأن كبلاها، وحسر عنها المتهم الأول ملابسها عنوة واستطالت يده لمواطن عفتها.