بنفس مشهد الفيلم.. مصمم أزياء يفاجئ زوجته للاحتفال بعيد زواجهما الثامن

تداول مستخدمو الفيسبوك مقطع فيديو لمصمم الأزياء إسلام سعد يحتفل بعيد زواجه بمفاجأة لزوجته أشعلت السوشيال ميديا بطريقة فيلم 365 يوم سعادة.

وقال في منشوره لزوجته علي الفيسبوك "طبعا اسراء فاكره ان عيد ميلادها وعيد جوازنا الثامن عدا كدا وخلاص من غير م احتفل معاها بي او اعملها اي مفاجاة زي كل سنه
السنادي انتي تعبتي واتمرمطي معايا حرفيا لو اطول اجبلك نجمه من السما مش هتوفي تعبك ووقفتك في ضهري طول السنين
احنا بنشتغل بقلنا 12 سنه مع بعض
ف ياست البنات كان عندك حلم قديم بس انتي نستيه بس انا عمري م انسا اي حاجه انتي حلمتي بيها ونفسك فيها.
كنا من كام سنه بنتفرج انا وانتي علي فيلم 365 يوم سعاده ووقتها فاكر انك دمعتي وقلتي الله نفسي في مفاجاة زي كدا وانا لحد دلوقتي مش ناسي وقلت اكيد هيجي عليا اليوم الي تكون امكانياتي تسمح واحققلك حاجه كنتي بتحلمي بيها لان دا اقل حاجه اقدر اقدمهالك انتي تستاهلي كل حاجه حلوه
انت تستاهلي تفرحي وبس.
اسف اول مره اطول كدا في الكلام بس بطلوب منكم دعوه حلوه لينا وكلو يقولها كل سنه وانتي طيبه لانك فعلا طيبه بحبك.