مسكني من أماكن حساسة.. مطاردة في شوارع روض الفرج.. اعترافات المجني عليها

أحال المستشار أحمد بكر المحامي العام الأول لشمال القاهرة الكلية شقيقين متهمين بهتك عرض طفلة المرج و التعدي علي قوة شرطة المرج للجنايات.
نص اعترفات المجني عليها :
س ما معلوماتك بشان الواقعة محل التحقيق؟
ج/ اللي حصل ان انا كنت طالعة من سنتر منبر الاسلام اللي باخد فيه درس بشارع أبو الفرج بروض الفرج وانا ماشية وانا واصحابي في الشارع اللي قدام السنتر على طول فوجئت بواحد بيقول امشو من هنا وكلمنى بطريقة وحشة فانا قولت له اتكلم بالأدب والذوق فلقيته بيقولي انا
هاجبلك الحيوانة اللي معايا وساعتها انا خفت ومشيت انا واصحابي ومشينا كذا خطوة فلقيت الراجل ده بيقوللى انتى خفتى ومشيتي ولا ايه وبعدين لقيت واحدة معاه جات من ورايا وراحو مسكوني هما الاثنين من ظهري ولقيت الست اللي معاه شدتني من الطرحة وبتقوللي انتي مش عاجبك وبعدين لقيت الراجل ده مسكني من صدري و لما زقيت ايده لقيته قام مسكني من التي شيرت من ناحية صدري من الناحية التانية وقطعهولي و جسمي بان وبعدين صحابي تدخلو علشان يحوشوهم ويبعدوهم عنى وبيقولهم سيبوها تضربها بس هما كانوا بيحوشوهم عنى بس كان بيزقهم وضرب صاحبتي / نادية بالشلوت وبعدين الست دى فضلت شداني من الطرحة لحد ما الطرحة اتقلعت وشعري اتكشف والطرحة اتلفت حوالين رقبتي واتعورت في رقبتي بسبب الشد ده وبعدين انا عرفت ان افلت منهم و ملقتش شنطتي اللي فيها تليفوني و معرفتش أكلم حد وجريت ولقيت توكتوك وركبتة على طول ومشي بيه وكنت سايبة أصحابي.

تأجيل محاكمة 5 متهمين في قضية داعش روض الفرج
بينهم أطفال.. إصابة 15شخصا في تصادم ميكروباص وملاكي بمحور روض الفرج
هناك ورحت على قسم روض الفرج علشان أبلغ بالكلام اللي حصل وانا في القسم أصحابي جم ورايا والميس بتاعتي ميس هناء جت مع أصحابي وبعدين أنا لقيت الراجل دخل القسم ورانا ولما دخل الضابط وقفة وكان بيفتشة وساعتها لقيت الست اللي معاه دخلت لما لقت الراجل بيتفتش ولقت ازازة على الرخامة في النوبتجية جوة القسم وكسرتها وقعدت تهوش بيها الضباط علشان يسيبو الراجل وبتقولهم سيبو اخويا و عورت نفسها في دماغها.

الاعتداء على المجني عليها ولمس مناطق عفتها

جاء بأمر الإحالة حال كون المجني عليها طفلة جاوزت السابعة عشر سنة ميلادية ولم تبلغ الثامنة عشر سنة ميلادية قام المتهمان بهتك عرض المجني عليها بالقوة بأنه إثر مشادة كلامية فيما بينها وبين المتهم الأول قامت المتهمة الثانية بشل حركة المجني عليها واستطالت يد الأول لمناطق عفتها و تهديها - ومزق ملابسها كاشفا لعوراتها خادشا حياتها هاتكا عرضها .

كما استعملا القوة والعنف والتهديد مع موظف عمومي وهو الملازم أول ومرافقوه من رجال شرطة قسم شرطة روض الفرج بأن أشهر الأول سلاحا أبيض شفرة موسى وأشهرت الثانية سلاحا أبيض زجاجة لحملهم بغير وجه حق على الامتناع عن أداء عمل من أعمال وظيفتهم .