فيلا الساحل الشمالي ب 40 مليون كده عشوائيات.. سبب شكوى المُلاك من انخفاض الأسعار

فيلا في الساحل الشمالي مقابل 100 مليون جنيه، هذا المبلغ الذي أثار حفيظة البعض قبل عدة أسابيع عن ارتفاع أسعار فيلات الساحل الشمالي يبدو أنه كان مرضيا للمُلاك بالمنطقة نفسها، والذين عبروا عن استيائهم عن طرح فيلات مجاورة لهم بمبالغ أقل تصل إلى 40 مليون جنيه و17 مليون جنيه.
أسعار فيلات الساحل الشمالي
أسعار فيلا في الساحل الشمالي أثارت الجدل من جديد بين متابعي مواقع التواصل الاجتماعي، إذ عبر مالك فيلا في الساحل المالي عن استيائه من تضارب أسعار فيلات الساحل الشمالي دون التأكيد على مدى جدية حديثه في مقطع الفيديو من عدمه.
100 مليون مرتب سنة في فيلا واحدة.. رولين تسخر من أسعار الساحل الشمالي
راغب علامة يحيي حفلا غنائيا في الساحل الشمالي.. اليوم
قال في مقطع فيديو تصدر مواقع التواصل الإجتماعي وتم حذفه:" أنا الڤيلا بتاعتي دافع فيها 100 مليون ، مينفعش ألاقي واحد جنبي شاري ب 40 مليون .. دي كدا بقت مساكن شعبية ".
جاء تعبيره عن استياءه من الوضع تحت عنوان "شكوى مواطن مصري من المُلاك في الساحل الشمالي".
«فيلا ب 100 مليون جمبها واحدة ب 40».. بهذه الجملة عبر الرجل في مقطع الفيديو المتداول بكثرة عن غضبه من عدم المساوة في تجاور فيلات الساحل الشمالي طبقا للأسعار.
وأضاف: «إحنا شاريين فيلا الساحل عشان ننسى التعب والمجهود اللي بنبذله في حياتنا عشان نحقق صفقات نجيب بيها الفلوس دي ونعرف ننبسط ونقضى وقت جميل في أملاكنا».
إيجار فيلا ب 40 مليون جنيه
هذا الوقت الجميل الذي ينشده كان سببا في شراء العديد من المصريين فيلات في الساحل الشمالي بمبالغ تجاوزت 100 مليون جنيه.
لوصف حقيقة الوضع قال مالك في الساحل الشمالي - رفض ذكر اسمه - ل «صدى البلد» أنه وغيره اشتروا فيلات في الساحل الشمالي باعتبار أن الفئة السعرية واحدة في المنطقة وبالتالي فهي تستهدف فئة مجتمعية محددة تبحث عن الخصوصية والهدوء.
وتابع أن أغلب الملاك من المشاهير أو المعروفين في المجتمع وبالتالي يبحثون عن الخصوصية خلال قضاء العطلات، موضحا أنه مؤخرا لاحظ وغيره من الملاك زحام شديد بإحدى الفيلات يقدر ثمنها بأربعين مليون جنيه.
وبعد السؤال عن وضع الفيلا اتضح أن أكثر من شخص اشترك لشرائها ويقوم بتأجيرها، ويستكمل: "كل يوم نلاقي ناس مختلفة في الفيلا ومش بيراعوا المكان ولا الجيران، ووجودهم ضرر لينا".
الساحل الشمالي تحول لمساكن شعبية
وعن سبب دفعه الملايين في شالية أو فيلا بالساحل الشمالي، أضاف المالك الذي ظهر في مقطع الفيديو المتداول: «بالنسبة للناس اللي بتتكلم علينا، وبتقول فيه ناس بتشتري فيلا في مارينا والساحل ب 105 مليون جنيه، دي أرزاق يا جماعة عشان محدش يزعل، ثانيا إحنا ناس بتحب الخصوصية جدا جدا جدا فوق ما تتصورا».
بأجواء رومانسية.. داليا مصطفى رفقة شريف سلامة من الساحل الشمالي
منتجع S BAY ازميرالدا سيدي حنيش الساحل الشمالي.. 1600 وحدة سكنية بإطلالة رائعة على أجمل شواطئ العالم.. فيديو وصور
«اوعوا تفتكروا إن إحنا مبسوطين بالعكس».. بهذه الجملة نوه مستخدم مواقع التواصل عن سبب تسجيله للفيديو المثير للجدل عن أسعار فيلات الساحل الشمالي، مبينا: «الشئ اللي خلاني أعملكم الفيديو ده، هو عشان إني عايز أقولكم متزعلوش أوي يا جماعة، ما هو زي مانتوا زعلانين إن فيه ناس معاها فلوس تشتري فيلل، إحنا فوجئنا إن فيه معانا في نفس المكان فيلل ب 40 و17 و9 مليون، وده شيئ حزني جدا وأنا بفكر إني مروحش الشالية بتاعي أو الفيلا بتاعتي يا إما أسيبها.. مش عارف.. انا لسه مقررتش».
ولفت الرجل إلى أن تجاور فيلات لا تساوي في نفس سعر الشراء جعله يشعر وكأنه في مساكن شعبية، لافتة: «عايز أقولكم خبر مش كويس، مش هقعد في مكان واحد مع ناس أقل مني في المستوى، سوري أنا شاري فيلا ب 100 مليون يقعد معايا ناس ب 100 مليون لكن يسكن معايا في نفس المكان ناس شاريين ب 17 و40 و9 مليون أعتقد كده بقت مساكن شعبية».
مرتب سنة في فيلا بالساحل الشمالي
هذه ليست المرة الأولى التي يعلق فيها أحد الأشخاص على أسعار الساحل الشمالي، فقد خرجت رولين القاسم موخرا في فيديو تعليقا على الزحام لحجز الفيلات، حيث قالت بطريقة ساخرة: «ايه الاستفزاز ده، أيه خبر إن 80 واحد اشترى 100 فيلا في الساحل الشمالي والفيلا ب 100 مليون، أنا مش مصدقة نفسي، يعني أدفع مرتب سنة في فيلا واحدة».
وتصدر اسم الممثلة المصرية مواقع التواصل الاجتماعي عقب تعليق رولين القاسم الذي بدا ساخرا بينما تعامل معه كثيرون بشيء من الجدية وانهالت عليها التعليقات التي طالبتها بالكشف عن طبيعة عملها.