كشفت الفنانة هلا رشدي عن تفاصيل مرضها التي انتهت بإجرائها عملية جراحية دقيقة، تتطلب الراحة لعدة أشهر وعدم الجلوس بزاوية قائمة لفترة طويلة. وأوضحت هلا رشدي في فيديو مباشر عبر صفحتها على فيسبوك ما حدث معها قائلة:" جالي شد عضلي في الطائرة مسافرة لرحلة عمل.. وقعدت 12 يوم مبنمش من الألم وحتى المسكن مريحينيش وفي النهاية خدت حقن مسكن وعملت لي دماغ". واستطردت هلا رشدي:" روحت لسمكرية البني آدمين كندية بروفيشنال ومحصلش تغيير وعملت إبر صينية ومفيش فايدة وخدت أدوية ومسكنات مفيش فايدة.. وباسبوري كان مسحوب ومش عارفة أرجع مصر". وأوضحت هلا رشدي:" المعالجة قالتلي عندك غضروف على وشك الانفجار وانفجر فعلا وعملت رنين مغناطيسي بصعوبة والكل أجمع على إني لازم أعمل عملية الغضروف بعد ما انفجر ونزل على عصب رجلي الشمال التي أصبحت تؤلمني كثيرا". ونشرت هلا رشدي صورة لأصدقائها من داخل المستشفى بداية الشهر الجاري، وعلقت عليها قائلة: "شكراً لكل الحبايب اللي ربنا طبطب عليا بيهم الفترة اللي فاتت، من يوم العملية اللي كان عامل زي الزفة في المستشفى وأنا بابتسامتي المعتادة بقاوم الألم وأنا في قمة السعادة والرضا، وبعدها عطايا ربانيه وليالي ملاح مليئة بالحب والدعم النفسي والمعنوي والمورفين.. من كل قلبي بحبكم وزادت غلاوتكم في قلبي وعرفت قيمتي عندكم". وأوضحت هلا رشدي طبيعة مرضها قائلة:" الحكاية باختصار هُمَّه كانوا 13 يوم من أصعب أيام حياتي من غير نوم وب أنين بيقطع في قلبي وجسمي ومفيش على لساني غير كلمة يا رب بكل اشكالها من قرآن وذكر بسبب آلام مزمنة متواصلة زي النار القايده في ظهري و رجلي الشمال اللي فشلت كل المسكنات في تسكينها، ده انا ضربت تيمو يا أخي.. والأدهى والأمَر إني كنت بره مصر ومش عارفه أرجع لأسباب لها علاقه بالإجراءات.. وما صبَّرنيش فيهم إلَّا وَنَسي بالله والسكينه اللي ملأ بيها قلبي وهوه بيطمني بكلمتين واسى بيها روحي "فَصَبرٌ جميل"..ورجعت مصر واكتشفنا في الرنين المغناطيسي إن في غضروف انفجر ونزل على عصب رجلي الشمال".
