بكلمات مؤثرة.. تامر حسني يعلق علي فيلم طلاب الثانوية العامة بالإسكندرية

علق الفنان تامر حسني علي الفيلم التسجيلي من قبل مجموعة من طلاب الثانوية العامة بالإسكندرية، تعبيرا عن تقديرهم له، وأنهم يستمدون منه طاقتهم الإيجابية.
ونشر تامر حسني فيديو الفيلم عبر حسابه الشخصي بموقع التواصل الاجتماعي "انستجرام"، وعلق عليه كتبًا: "مش عارف اقولكوا قد ايه فرحت بكلامكوا و باللي شوفته في الڤيديو من محبه صادقه و تأثير صادق و حقيقي بينا ،،، شكراً لكل طالب حس كلمه ايجابيه مني و اثرت فيه سواء في كلامي او افلامي او اغانيا شكراً لكل مدرس حط رسايلي الصادقه ليكم في عين الإعتبار و خاطبكم بها".
فيلم تسجيلي إهداء من طلاب بالثانوية العامة للفنان تامر حسني
بمشهد من فيلم مش أنا.. تامر حسنى: أهم حوار كتبته فى حياتى
وتابع: "و حمداً لله ان علاقتنا مش مجرد فنان و جمهور لا دي اكبر من كدا بكتير و دي العلاقه اللي حلمت بيها من صغري ،بقدر الإمكان بخرجلكم من رحلتي كل ماهو ايجابي ليكم من نصيحة اخ الى كلمه تحفيزيه واللي جاي مني ليكم اكتر و احلى بإذن الله و واثق انه هيوصل قلوبكم عشان زي ما قولتلكوا زمان اللي بيطلع من القلب بيوصل للقلب".
وعقب: "شكراً شكراً طلاب اسكندريه و شعب اسكندريه العظيم شكراً شباب مصر ام الدنيا يارب كلكم ناجحين و اللي عنده خطأ يصلحه الحياه لسه قدامكم و الوقت لسه في ايدكم اي صعب هيعدي و بكرا تنجحوا و تبقوا اصحاب قصص حياه جميله كل واحد فيكم لازم يبقى بطل في قصة حياته عشان كدا متزعلوش من اي صعب و اي اخطاء و اي فشل في اي اتجاه الحياه رحله و مشوار طويل مش موقف ولا موقفين".
وأكمل: "والحل الوحيد اننا ننجح و نعتمد على نفسنا و تتعلموا انكم متسندوش على اشخاص عشان لو مشيوا متقعوش اسندوا على،، اولاً ايمانكوا بربنا دا اهم و اقوى سند تاني حاجه اسندوا على حلمكم و مجهودكم و نجاحكم اسندوا على قوتكم انتوا و هقولهالكوا تاني احنا في زمن صعب لو احتاجت ايد تسندك و تدفيك امسك ايدك التانيه برغم ان في كتير طيبين بس الحياه تلاهي و اللي سندك مره مش هيسندك التانيه".
وانهي تامر تعليقه كاتبًا: "و كمان جه دوركوا انكم تفرحوا اهاليكم و تكونوا انتوا سندهم عشان لما بيكبروا هما اللي قلوبهم بتتحول قلوب اطفال و بتحتاج رعايه منكم انتوا بيبقوا محتاجين انكم تردولهم اللي عملوه معاكم وانتوا صغيرين / معلش طولت عليكم و عارف ان من سمات العصر انكم مش بتحبوا تقروا الكلام الكتير بس انا عارف كلامي رايح لمين رايح للّي محتاجينه و مستنيينه فا هيقروه كويس جداً عشان من كل قلبي لحبايب قلبي و ان شاء الله هشوفكوا قريب، بالتوفيق يا امل مصر".
وكان قد أهدى مجموعة من طلاب الثانوية العامة بالإسكندرية فيلم تسجيلي للفنان تامر حسني تعبيرا عن تقديرهم له، وأنهم يستمدون منه طاقتهم الإيجابية.
واجتمع مجموعة من المدرسين والطلاب بمحافظة الإسكندرية للحديث عن قصصهم مع تامر حسني، من خلال فيلم قصير، عبروا فيه عن مدى تعلقهم به وتأثيره عليهم من خلال حديثه ومنشوراته عبر مواقع التواصل الاجتماعي، وأغانيه التحفيزية.
كما نصح المدرسون الطلاب بسماع أغنيات تامرحسني، وتنفيذ كلامها مثل أغنية مش تمثال وخليك فولاذي والموضوع فيك، والجميع ينادي بعمل حفل أسطوري للنجم المعشوق داخل الإسكندرية وسط شباب الثانوية العامة وأهل المحافظة.