بالصور.. تعرف على القصة الكاملة وراء "زعل" أحمد السقا من تامر حسني

وهنيدي يتدخل للصلح بينهما

أثار النجم أحمد السقا، والمطرب تامر حسني، مساء أمس، حالة من الجدل على مختلف مواقع التواصل الإجتماعي، بعد تصريح الأول أثناء استضافته في أولى حلقت برنامج "السيرة" مع الإعلامية "وفاء الكيلاني" عندما أعرب عن "زعله" واستياءه من "حسني" حيث تفاجأ بتصدر صورته واسمه على بوستر فيلم "الفلوس"، على أنه بطلاً للفيلم ، على الرغم من أنه لم يشارك إلا كضيف شرف، ما تسبب له من ضرر في مجال عمله.
وتابع السقا: "بالرغم من حديثي إلى تامر وقتها، إلا أنه لم يلتفت للأمر ولم يُحدث أي تغيير به، مُشيرًا إلى أن هذا الموقف تسبب في غضبه منه وقتها، لكونه يعتبره أخ وصديق عزيز على الجانب المشخصي والمهني، ما لم يكن يتوقع ما صدر منه.
وأضاف: "مع العلم أن تامر عارف ان لو اتقابلنا في أي مكان و قالي كلمتين حلوين الدنيا هتتحل وأنا هصفاله".
وفي سياق متصل، سرعان ما قام المطرب تامر حسني بالرد على تصريحات السقا عبر حسابه الشخصي على موقع تبادل الصور والفيديوهات انستجرام، قائلاً: "حبيبي وأخويا وصديق العمر النجم أحمد السقا، كنت اتمنى انك تكلمني بيني وبينك لو كنت زعلان
من اي حاجة اوفاهم حاجة غلط، لأن الحاجات دي لا يمكن تفوتك، وانا كنت اتمنى مكتبش الكلام ده هنا بس عشان بعد كلامك في التليفزيون الجمهور الكريم له حق انه يفهم الصح".
وأضاف: "عشان افكرك بس، انت كلمتني وقلتلي في خبر في موقع، وعليه صورة افتراضية للفيلم وكاتبين انك بطل في الفيلم، وانا رديت عليك ان دي اجتهادات صحفية والصورة من تصميم المحبين اللي اكيد فرحانين بالخبر".
وتابع: "أنا شرحتلك ده من سنة واتكلمنا فيه مرتين وعيدت عليك بعدها في عيد ميلادك والتانية بخصوص برنامجك، لو كنت لسه زعلان مني كنت هتقولي ساعتها، الفيلم بقاله سنة يا احمد، واخيرًا بقى مستحيل الشركة تروج أو او انا افوت او اسمح باستخدام اسمك كبطل في الفيلم وانت مش فيه، لأن ده هيعود علينا كلنا بالضرر لأن الناس هتدخل الفيلم مش هيلاقوا الكلام ده فيبقى احنا كده بنضحك على الناس وضربنا الفيلم، ولو ان اكيد يشرفني ان احنا
نعمل بطولة مشركة مع بعض".
واختتم حسني كلامه قائلاً: "انا لما جتلك مسلسل ولد الغلابة حصل اجتهادات كتير بردو وقتها و طلعت تصريحات ان ده بطولة مشتركة بيننا، وانت عارف اني عمري ما عملتها وطلعت ضيف شرف مع حد غير ليك، ده انت طلبتني 8 الصبح كنت عندك غي نص ساعة عشان فكرة طلعت في دماغك فجأة وهتنجحلك المسلسل وجيت لأنك غالي عندي".
ووجه له كلمة أخيرة قائلا: "انت حبيبي يا احمد وصديق عمر عشان كده انا اللي مش هزعل منك، معلش طولت في الكلام لأن زعلك بردو يعز عليا".
وجاء رد السقا على كلام تامر كالآتي: "صديقي واخي تامر حسني .. انت عارف اللي بيني وبينك عيش وملح وحاجات كتير، قد اكون اخطأت اني اتكلمت في الموضوع ع الهوا، ولكن يعلم الله كم كنت مجروحًا وحزينًا".
وتابع: "مش هطول عليك اكتر من كده ، ولو انا زعلت شوية وانت شوية نبقى خالصين يا عم، تامر احنا اللي بينا كبير متزعلش ياعم وحقك عليا، وميعادنا الحفلة اللي جاية".
وفي إطار كوميدي وساخر تدخل الفنان محمد هنيدي بينهما في محاولة منه للصلح بينهما بشكل فكاهي و مُضحك حتى تنتهي أزمة الخلاف التي نشبت بينهما، حيث قام بالتعليق على منشور السقا عبر حسابه الشخصي على موقع التواصل الاجتماعي الاشهر فيسبوك، قائلاً: "عايز رقم تامر يا سقا تتكلموا بدل مانتوا فاضحينا ع الفضائيات والسوشيال ميديا كده"، حيث أنه صديق مقرب للطرفين.