السيسي: محدش نجا في الدول اللي حوالينا من الخراب غير مصر

قال الرئيس عبد الفتاح السيسي، إن الدول الغربية اضطرت إلى فرض قيود ضد حرية الإنسان عندما اقتضت الظروف ذلك وأبرزها قيود التنقل والإجبار على التطعيم .
وأضاف السيسي: "اقتصار موضوع حقوق الإنسان في حرية الانسان والممارسة السياسية نوع من الاستعلاء ".
وتابع : " حريصون على موضوع حرية الانسان من منظور فكري ومعتقدات نمارسها ومعملناش ده تحت ضغط من حد والتنوع والاختلاف سنة كونية في اللغة واللون والشكل".
ولفت إلى أن مصر هي الدول الوحيدة التي نجت من الخراب في المنطقة "، مضيفا :"6 ملايين في مصر يعيشون في مجتمعنا ياكلوا ويشربوا ويتعلموا وعلى الاقل نعمل على اتاحة ما لدينا ولم نسمح لأنفسنا ان نكون معبر يعبروا بيه للمجهول ويلقوا بأنفسهم في البحر المتوسط ".
وكان الرئيس عبد الفتاح السيسي، قال إنه من المقرر إنتاج أول سيارة كهربائية ، عام 2023، مضيفا :" الإنسان المخلوق الوحيد اللي ممكن يدمر وممكن يصلح ، متحدثا عن تجربة مصر باختصار ، وأضاف :" ربنا خلق الإنسان قادرا على الإعمار والتنمية ".
وتابع : " نيويورك والدول المتحدة من 120 سنة كان حجم روث مخلفات الخيول يصل 5 ادوار وتقتل آلافا من البشر وكانت هذه بداية التحرك الإنساني في صناعة السيارات فورد ومن خلال الموقف ده ابتدت صناعة السيارات ".
ولفت إلى أن :الخطر المناخي هيتم مجابهته والتعامل معاه من الجميع بشكل او آخر لان بداخله فرصة و في خلال ال8 سنين دول حجم السيارات الكهربائية أو الغاز اللي ممكن تطلع كبير جدا وبالتالي سيكون هناك احلال لحجم ضخم من السيارات اللي بتستخدم بنزين و احنا في مصر كنا شايفين ده ومن 5 سنين كنا بنتكلم اننا على استعداد لصناعة سيارات كهربائية في مصر ".