والدة الطالبة بسنت: عايزة حق بنتي.. أنا ماشفتش الرسالة اللي كتبتها غير بعد وفاتها

قدمت الإعلامية نهال طايل حلقة خاصة من برنامج «تفاصيل» المذاع على قناة «صدى البلد 2»، لرصد القصة الكاملة لانتحار الطالبة بسنت المعروفة إعلاميا ب «فتاة الغربية» بعد ابتزازها بصور مفبركة على يد شابين من قريتها.

أول طلب من والدة الطالبة بسنت ضحية الصور المفبركة
كشفت والدة الطالبة بسنت، فتاة الغربية، التفاصيل الكاملة عن الواقعة ، قائلة «أنا عايزة حق بنتي وهي متستاهلش اللى حصلها و ناري مش هتبرد غير بالقصاص العادل وانا اعرف واحد من الى فبرك الصور والتاني ماعرفوش واللي أعرفه عنهم أن عيلتهم مفككة».
وأضافت والدة الطالبة بسنت، أنا عايزة القصاص العادل وحق ربنا، وأنا بنتى كانت حافظة القرآن وبتطلع من الأوائل وكانت عايزة تبقى دكتورة وقلت لها هاتى مجموع كبير وسيبى الباقى على ربنا ثم علينا واى حد كان بينادي لها على المذاكرة كانت تقول أنا غيرت اسمى محدش ينده عليا».
وأوضحت والدة فتاة الغربية ،أن كان لدي 3 أبناء توفوا منهم اثنين كان لديهم سنتين وابن توفي في حادث عن عمر 9 سنوات.

أنا ماشفتش الرسالة اللي كتبتها غير بعد وفاتها
دخلت والدة الطالبة بسنت، فتاة الغربية، في نوبة من البكاء قائلة :«انا كنت في ذهول لما شفت الصورة المفبركة لبنتي والكلام اللي كان بيتقال عليها واجعني والصورة وجعتني بس انا كنت متأكدة انها مش بنتي».
وأضافت : «انا ما شفتش الرسالة اللي كتبتهالي بنتي غير بعد وفاتها، والحباية السامة مكانتش عندنا ولما حدث قئ لأبنتي رحنا المستشفى على الفور وعملنا غسيل معدة وفاقت شوية وكلمتنا وفي آخر مكالمة قبل الفجر قالتلي انا كلت وشربت خدى انتى علاجك وكلي وارجعلك الصبح عشان خاطري خدى علاجك».

لقيت بنتى في حالة ميئوس
وأردفت والدة فتاة الغربية «أنا قولت لبنتي مش هاكل ولا اشرب لحد ما اشوفك ولما النهار طلع رحت على المستشفى لقيت بنتى في حالة ميئوس منها وفي العناية المركزة ولما شفتها كنت عارفة أنه مفيش أمل ولما قربت منها شميت ريحة الحباية السامة واخدتها في حضني».

جسم الفتاة اللي في الصورة ليس لابنتي
أكدت والدة الطالبة بسنت أنها على يقين أن تلك الصور ليست لابنتها وبعد رؤيتها كان واضحا أنهت مفبركة لابنتي، مشددة على أنه تم وضع وجه ابنتي على صورة فتاة أخرى لديها جسم غير ابنتي.
وأضافت والدة فتاة الغربية: «بنتي انهارت لما الصور دي كانت موجودة بس انا هديتها وقلت لها انا مصدقاكي».

كانت حافظة القرآن
وتابعت والدة الطالبة بسنت : «بسنت كانت من المتفوقين وحافظة ل القرآن الكريم وهي كانت ملاك ماشى على الأرض ودايما مكانتش بتتكلم وكانت بتكتم في نفسها و متشتكيش أبدا وأي حاجة كانت مضايقة بنتى مكانتش بتقولى عشان مضايقنيش».

هما اللى قالولها على موضوع الصور
وأشارت والدة فتاة الغربية إلى أن أولاد عمتها هما اللى قالولها على موضوع الصور المفبركة ولما شافت المنظر انهارت وصرخت وأكدت أن الصور ليست لها وأنا صدقتها وأخدتها في حضني أنا وأختها لأن جسم الفتاة اللي في الصورة كبير ومش جسم بنتى ولكن تم وضع وجه ابنتي عليه.

صعبت عليها نفسها| عم فتاة الغربية: كانت حافظة القرآن وشاطرة
قال عم الطالبة "بسنت" فتاة الغربية: «لقينا الصور منتشرة بين الشباب بالبلد وابوها سألها ونفت علاقتها بتلك الصور وقالها خلاص متزعليش ومتخافيش».
وأضاف عم الطالبة بسنت، أن بسنت كانت حافظة القرآن وشاطرة في التعليم وابوها كان طالع يصلى الجمعة وجيه لقاها تتقيأ وكانت خدت الحباية السامة"، متابعا :«بسنت لما عرفت الموضوع ده صعبت عليها نفسها، ومستحمتلش، وبعد لما خدت الحباية السامة وديناها المستشفى ولكنها توفيت تانى يوم، 2 شباب سرقوا الصفحة بتاعتها ونزلوا الصور دي».