روحناكم زعلانين وهنتعلم من كل غلطة.. الشناوى يوجه رسالة مؤثرة للجمهور بعد الخروج الأفريقي

وجه محمد الشناوى حارس مرمى منتخب مصر، رسالة إلى الجمهور بعد الخروج من بطولة أمم أفريقيا.
ونشر الشناوى صورة له من خلال حسابه الشخصى عبر موقع التواصل الاجتماعى انستجرام: "عايز أعتذر لكل الجمهور اللي شجعنا ووقف في ضهرنا سواء في المدرجات أو في البيوت والشوارع. أحلى حاجة في الكورة هي فرحتكم بينا ولما مبنقدرش نحققها ده بيبقى صعب علينا جدًا. ربنا شاهد إن الواحد بذل أقصى جهده في كل ماتش عشان متروحوش زعلانين ونقدم صورة مشرفة للبلد وكورة ممتعة. الإعتذار مش كفاية بس ده اللي نقدر نقدمه دلوقتي مع وعد إننا نتعلم من كل غلطة مرينا بيها ونرجعلكم البطولة الجاية جديرين بجمهور عظيم زيكم".
وفاز منتخب جنوب إفريقيا على منتخب مصر بهدف وحيد في المباراة التي جمعت المنتخبين على استاد القاهرة، ليتأهل جنوب إفريقيا رسميًا إلى دور ال8 ليواجه نيجيريا.
وحقق منتخب نيجيريا فوزًا مثيرًا على نظيره الكاميروني بثلاثة أهداف مقابل هدفين، في المباراة التي جمعت المنتخبين على ملعب الإسكندرية في دور ال16 ضمن منافسات كأس أمم إفريقيا 2019.