مجدى محمد قرني هديب يكتب : سحل المواطن حماده صابر وتعريته

النهاردة حماده وبكرة حماده
وأنا خايف أكون حماده
النهارده أتسحل واتعرى واتكمم
لا ما تكممش ...... سحلوه جردوه كمموه لا أغتصبوه
أغتصبوا كلمة زور من حلق خايف
وأنا خايف بكره اكون حماده
أدور على ورقة توت تسترني من عيون الخلق
وأنا خايف أبيع بكره
نفسي مانا خايف
ومين هو جلادي ومين اللى ماسك بأيده السوط
مين هو عدوي يهودي لا
يارتنى أموت قبل ما يجي اليوم فيه
أكون حماده
يارتنى اموت قبل
ما أخويا ينزع عني ورق التوت
يارتنى أموت
قبل ما بلع كلمة حق
يارتنى اموت
لا مانا ميت
أنا شايف ولا مش شايف
لا شايف كل الخلايق
شكل واحد ... حماده
والجلاد واحد ورب الواحد شايف
بس أنا قررت وأقسمت
أنى ما حكون في يوم حماده
ولا حاسمح لجلادي
أنه يضيع بلادي
زأنه يعلق على صدري
كلمة حماده
النهارده حماده وبكره تاني حماده
بس لازم يكون حماده
من بكره ما يكنش صابر