مسئول خايف

يا بلدى مين يحاكيكى
ومين يا بلدى يحميكى
ومين يقول فى يوم يخليكى
ويحفظ كل أولادك فى أحضانك
يا بلدى كل لما بكون محتاج يا بلدى أحكيلك وأشكيلك
يابلدى فى مين ألاقيكى
يابلدى كل لما بروح
لأى حد فى ولادك
بيكون يا بلدى عنى بعيد
وساعات يكون فى قلبه حديد
عارفة يابلدى القلب حزين
علشان يابلدى مش مرتاح
الليل يعدى ويجى صباح
وكل الناس فى عينها دموع
ومين يابلدى مش موجوع
يا بلدى أعمل أيه ولمين
يابلدى جل الناس مساكين
ومين يكون ياخد بالأيد
والحزن كل يوم بيزيد
يابلدى مين يخليكى
فى يوم يابلدى تكونى جديد
بنطلع فوق وتبقى راسنا مرفوعة
من نادهة واحدة تكون الكلمة مسموعة
ونعمل حاجة مشروعة
يا بلدى الكل مش شايف
عشان الكل بقى خايف
بيقول أنا أمشى جنب الحيط
ويكش الكل بكرة يشيط
يا بلدى أنت يرضيكى
أعيش خايف مع الخايفين
يابلدى قولى دلينى أكون ازاى
عشان يا بلدى أحميكى فى بكرة الجاى
يا بلدى ليه تخلينى أعيش فيكى وأنا متهان
يا بلدى ليه ده أنا إنسان
وليه يا بلدى ده يشبع وده بات جعان
يا بلدى لو بقيت مسئول
فكرك يا بلدى هقدر أقول
إنك يا بلدى مسروقة
ومسلوبة ومنهوبة
ولا يا بلدى هتغمّى
وأجهز راسى للعمة
وأعمل أكنى مش شايف
وأعيش حياتى وأنا خايف
خليها يا بلدى مستورة
ده الرقعة باينة محفورة
بس يا بلدى الكل عبيط
ما شى يابلدى جنب الحيط
يا بلدى قولى دلينى
وأنا سامعك
ولا يا بلدى عوزانى أكون كارهك
والله يا بلدى أنا حبك ومش كارهك
بس يا بلدى عاملينى
زى حبايبك التانيين
عشان الكل يا بلدى
هيدفنوه هنا فى الطين
يا بلدى مين يحاكيكى
ومين يا بلدى يحميكى
ومين يقول يخليكى.