الداخلية تعيد طفلا ل أهله عقب اختطافه من داخل مستشفى قصر العيني.. فيديو

أذاعت الإعلامية عزة مصطفى، خلال تقديمها برنامج "صالة التحرير"، المُذاع عبر فضائية "صدى البلد"، فيديو يعرض جهود قسم شرطة مصر القديمة بقطاع أمن القاهرة في إعادة طفل لأهله عقب اختطافه من داخل مستشفي قصر العيني.
وأوضحت "مصطفى"،: «دي واحدة ست اتجوزت ومخلفتش، وجوزها اتجوز عليها علشان يخلف، وفكرت إنها تسرق طفل، وتقول لجوزها أنا خلفت».
وتابعت: «راحت تشتغل في قصر العيني علشان تخطف طفل لسه مولود بعد ما كذبت على جوزها وقالت له هولد في هذا التوقيت».
وأشارت: «دخلت قصر العيني وتابعت حالة من حالات الولادة، واتعرفت علي أهل الطفل، واتصاحبت علي الأم والجدة علشان ما يشكوش فيها، واستخدمت النقاب علشان تسرق الطفل».
وأضافت: «مفكرتش إزاي إنها هتحرم أم من طفلها، وتحرم الطفل من حضن أمه»، لافتة: «وزارة الداخلية نجحت في إعادة الطفل لأهله».