أحيا الفنان محمد عبد العزيز، نجل الفنان الكبير محمود عبد العزيز، عيد ميلاد والده، ونشر صورة تجمعهما عبر صفحته الشخصية بموقع انستجرام. وعلق "محمد عبد العزيز" قائلا: "4 يونيو 1946، هو يوم عيد ميلاد حضرتك، تاريخ محفور جوايا وهفضل دايما أول واحد يقول لحضرتك طول ما أنا لسه عايش ولحد ما اجى لحضرتك إن شاء الله، كل سنة و حضرتك طيب و بخير يا حاج، ربنا يجمعنا إن شاء الله على خير فى عالم مافيهوش لا فراق ولا وجع تاني إن شاء الله". وتابع قائلا: "هتفضل ضهري و سندي وأبويا، وإبنى وأخويا وتاج على راسي مهما كانت المسافات اللي بينا، ويارب أكون عند حسن ظن حضرتك، ويارب أكون مشرفك وتكون راضي عني، وأتمنى إن هديتي بتاعة السنة دي تكون وصلت لحضرتك وتكون عجبتك وفرحتك". واختتم رسالته قائلًا: "لا إله إلا الله سيدنا محمد رسول الله، أتمنى إن تشاركوني في إرسال هديتي لوالدي العزيز الغالى بالدعاء له، لكم منى جزيل الشكر، وأسألكم الفاتحة و الدعاء لأبويا و لكل من رحلوا عنا".