محمد عبد العزيز لوالده: يارب تكون الهدايا اللي ببعتهالك بتوصلك

حرص المنتج محمد عبد العزيز على توجيه رسالة لوالده الفنان الراحل محمود عبد العزيز، تعبر عن مدى حبه له وشعوره بالاشتياق نحوه، وذلك من خلال نشره لمجموعة من صور والده.
وعلق على هذه الصور، عبر صفحته الشخصية على موقع "إنستجرام"، قائلا: "يوم 4-6-1946، هو يوم عيد ميلاد حضرتك وزي كل سنة لازم أكون أول واحد يقولك كل سنة وأنت طيب كان نفسي أكون جنبك وابوس راسك زي ما كنت دايما بعمل ياريته كان بأيدي أنا متأكد أن حضرتك إن شاء الله في أحسن حال يارب أكون عند حسن ظن حضرتك ويارب تكون راضي عني ويارب تكون الهدايا بتاعتي بتوصل لحضرتك وربنا يقدرني اني اكون سبب يخلي حضرتك مبسوط وسعيد في مكانك الطاهر النضيف".
وأضاف: "مش قادر اقول لحضرتك وحشتني عشان والله العظيم اللي انا حاسس بيه اكتر من كدة بكتير لدرجة اني مش لاقية وصف حتى كلمة بحبك بقى الاحساس اللي جوايا أكبر منها بكتير.. اللي مصبرني أن حضرتك في مكان احسن بكتير من اللي احنا فيه كل سنة وحضرتك طيب وان شاء الله نتقابل قريب واتمنى لما اجيلك يكون مكاني جنب حضرتك".