السيسي: لا نحمّل أهل سيناء مسئولية أهل الشر .. فيديو

قال الرئيس عبد الفتاح السيسي معلقا على كلمة شيخ مجاهدي سيناء: «شيخ حسن اسمحلي أوجهلك كل التحية وكل الاحترام، وفي كل لقاء انت بتتكلم بيزداد إعجابنا واحترامنا ليك ولأهالينا اللى في سيناء».
وأضاف السيسي في كلمته بالندوة التثقيفية ال28 للقوات المسلحة احتفالا بالذكرى ال36 لتحرير سيناء: «أهل سيناء لا يتحملوا كل أو بعض مسئولية أهل الشر، احنا مبنحملهمش المسئولية في ده، وأنا بأكد وكل الناس سمعاني، احنا مدركين كويس قوي للواقع ده، الإرهاب موجود في سيناء وفي غيرها».
واستطرد: «أنا بوجهلك الشكر والتحية من خلال شخصك لكل مصري في سيناء شريف، وحريص على بلده، وأنا عاوز أقولك وأرجو أهلنا في سيناء يسمعوا، والحقيقة الفترة صعبة والإجراءات اللى في سيناء صعبة وأهل سيناء بيتحملوا، ولو معملناش كده سيناء هتروح مننا، الجيش والشرطة وأهل سيناء على قلب رجل واحد».
وأردف الرئيس: «واحنا اللى بنقول نعمله في سيناء من تنمية، لما عرضوا عليا الخطة كانوا حاطين مدة لبعد 2022، لكن أنا طلبت ينجزوا العمل في مدة أقصاها 2022، خلونا نحط ايدينا في ايدين بعض، احنا لا نبغي إلا البناء والتنمية والسلام».
ورد شيخ مجاهدي سيناء الشيخ حسن خلف، قائلا: «نعاهد السيد الريس أن اجتماعهم على باطلهم لن يكون أقوى من اجتماعهم على حقنا».