محمد أنور يهدي نوران التركى "يخربيتك يا جواز" في حفل زفافهما.. فيديو

فاجأ نجم مسرح مصر الفنان الشاب محمد أنور العروس نوران التركي في حفل زفافهما بغنائه أغنية بعنوان "يخربيتك يا جواز ويخربيت معرفتك "،الذي تفاعل معها حاضرو الحفل،الذى أقيم الأحد الماضي في فندق مينا هاوس بمنطقة الأهرامات بالجيزة.
"يخربيتك يا جواز" طرحت علي القناة الرسمية ل "أنور" علي موقع الفيديوهات "اليوتيوب، من تأليف وائل حمزة، وهى مأخوذة من لحن أغنية "الكيف" ل كايروكى و طارق الشيخ.
من كلمات الأغنية "
يخربيتك يا جواز ويخربيت معرفتك
صحيح جوك لطيف بس ياريتني ما عرفتك
فالأول كنت تمام يادوب بجيب برفان
دلوقتي بكع فلوس على البيت وع المدام
يخربيتك يا جواز فلستني وفلقت
متبهدل في المصاريف ولا بستلف من حد
في واحد ابن حرام لعب في دماغي،
قالي الجواز دا تمام اه منه اه ياخوفي
وستارة جابت دولاب ودولاب جاب دفاية
دفاية جابت سرير واتنفخت في النهاية
من يومها وانا .. بدفع انا
الناس هناك في الساحل وانا بشطب هنا
يخرب بيتك يانيش يامعيشني في مذلة
لا انا عارف منك اعيش ولا عارف اجيب حله
بدفع فلوس بالكومة عشان عزومة
زعلانه.. ومسكالي شومة
يخرب بيتك ياحب ويخرب بيت ايامك
كدبت كل الناس ومصدق كلامك
اخترت بنت طيبة... رقة ودلع و حنان
انسانة مني قريبة وحبيبة قلبي نوران
( احلى واجمل نوران)
بإشارة جابتني نوران ونوران جابت ضحكاية
ضحكاية جابت ماذون واحلوت النهاية (الحكاية)
دي حياتي انا وحبيبتي انا
الناس فرحانه بيا وانا طاير هنا
بإشارة جابتني نوران ونوران جابت ضحكاية
ضحكاية جابت ماذون واحلوت النهاية (الحكاية).
مرفق لينك الاغنيه
شاهد بالفيديو #محمد_انور نجم مسرح مصر يغني لعروسته يخربيتك يا جواز ويخربيت معرفتك!
تأليف وائل حمزه. الحان وتوزيع كايروكي.