* o عايش علي امل لحظة لُقا ، حتي لو نظره مش كلام ،، او حتي اشوفك حلم ف منام فاكره زمان لما قلتهالك اني عشانك ارمي نفسي ف المهالك،، اصلك لما تغيبي ببقي حاسس ان الاحزان إستوطنتني وخلتني امير ليها وم العذاب والهم مكنتني ، كأنها عششت جوايا ،بقت شيء ملازمني ، دايما معايا طب فاكره لما كنتي تهجريني باليومين ، واما نتلاقي أرد القساوه بحنين ، ما انا اللي رسمت طريق الضي والنور بعيونك وان الحب بيكي مش بدونك ، واياكي تفكري يوم او حتي تبعد ظنونك ، اني ممكن اعشق تاني او اكتب قصايدي او اكتب لها بعشقك او اني مجنونك ، بشوفك ف ضحكة طفله صغيره لسه ف اللفه
بشوفك ورده مزروعه ما بين احتلال ف الضفه ، قالولي هي البرد ،،،قلتلهم قلبي دفا قالولي يمكن ف يوم تنساك ،، قلتلهم لو عيوني نسيتها قلبي عارفها حق المعرفه ،، قالولي عشقك جواها اتنفي ،، قلتلهم قلبي رابط ع الوفا ،، ولو يو تلاقيني وتساليني ،، ايه اللي يكفيني ..؟ اقلك بس ...لحظة لُقا