«في أول ظهور لريجيني».. حوار حول تبادل أفكار مقابل أموال مع «ممثل الباعة الجائلين».. الشاب الإيطالي: لازم نحصل على معلومات مقابل الأموال .. والآخر: عايز إيه وأجهزهولك

- «التلفزيون المصري» يذيع حوارا ل"ريجيني" مع ممثل الباعة الجائلين
- ممثل الباعة الجائلين يطلب أموالا من الشاب الإيطالي لعلاج زوجته
- «ريجيني»: محتاج معلومات أو أفكار أبعتها بريطانيا عشان الفلوس
- وفد النيابة العامة المصري يسلم الجانب الإيطالي مستندات وفيديو لريجيني
أذاع التلفزيون المصري، لقطات للشاب الإيطالي جوليو ريجيني، قبل مقتله، لحوار دار بينه وبين ممثل الباعة الجائلين.
وتذكر اللقطات، حوارا ممثل الباعة الجائلين، يطلب اموالا من الشاب الإيطالي لعلاج زوجته التي تعاني من مرض السرطان، ويرد عليه ريجيني قائلا:" انا مش ممكن استخدم الفلوس بأي صورة، علشان أنا أكاديمي، مش ممكن أكتب للمؤسسة في بريطانيا، اني عايز استخدم الفلوس بصورة شخصية، دي مشكلة كبيرة بالنسبة للبريطانيين".
ودار لقاء الشاب الإيطالي مع ممثل الباعة الجائلين، عن حاجة الأخير للأموال لعلاج زوجته، وشرح ريجيني له عن عدم امكانية استخدام الأموال التي ترسلها له بريطانيا كونها اموال اكاديمية ترسل له بغرض الدراسة، ومن الممكن التفكير في حلول اخرى أو افكار لجلب الأموال من البريطانيين.
وبدأ ممثل الباعة الجائلين حديثه قائلا: " مراتي عندها عملية كانسر "سرطان"، بالنسبة لي اشبط في اي حاجة المهم تيجي فيها فلوس".
ورد الشاب جوليو ريجيني الإيطالي : "الفلوس مش فلوسي انا مش ممكن استخدم الفلوس بأي صورة عشان انا اكاديمي، ومش ممكن اكتب في الابلكشن يعني في معلومات للمؤسسة في بريطانيا عايز استخدم الفلوس بصورة شخصية مش ممكن، ولو حدث الحاجة دي فيها مشكلة كبيرة كبيرة اووي بالنسبة للبريطانيين".
وتابع ممثل الباعة الجائلين: " طيب مفيش سكة تانية، نستخدم فيها الفلوس استخدام شخصي".
ورد ريجيني قائلا: "مش عارف والله والفلوس من خلال جوليو، من خلال بريطانيا والمركز المصري ومن المركز المصري ليا".
فقال البائع: "أنت حاول تظبطهالي عشان أنا حاسس ان المركز المصري ممكن يضحك علينا وميدناش حاجة".
فتابع ريجيني : " مافيش إمكانية شخصية بالنسبة لي انا مش عارف ازاي، معنديش سلطة في الموضوع".
فردد البائع: "الموضوع هيتأخر كتير، الوقت هيتأخر يعني".
فأكد له ريجيني: "يعني لو في فكرة، البريطانيين ياخدوا افكار مشاريع كبيرة من كل العالم للحصول علي فلوس، لازم نحاول، بس لو عندنا افكار انت مثلا أو تانين لازم نحصل علي المعلومات".
فقال له ممثل الباعة: " معلومات زي إيه وأنا أجهزها واشتغل عليها دلوقتي".
فأشار له ريجيني: " معلومات زي ايه المهم بالنسبة لك في النقابة، النقابة عايزة ايه، مثلا، تحتاج النقابة منا ايه مع الفلوس دي".
فيرد ممثل الباعة:" يعني الاستخدام هنستخدم الفلوس في ايه".
فيختم ريجيني كلامه : "بالظبط بالظبط".
ومن جانب آخر، سلم وفد النيابة العامة المصرى فى لقائه الاخير بروما نظيره الإيطالى صورا للمستندات المطلوبة وكذلك إسطوانة مدمجة لحوار دار بين جوليو ريجينى وممثل الباعة الجائلين سجله الأخير فى وقت سابق على إختفاء الطالب الإيطالى والذى بموجبه تخلت الجهات الأمنية عن الاستمرار فى متابعة المجنى عليه لما تبين لها فى قصور نشاطه عن حد المساس بالأمن القومى المصرى.