تورلي بالبشاميل من مطبخ الشيف «غادة عاطف»

تورلى بالبشاميل من مطبخ غادة عاطف وصفة جديدة ولذيد جربيها وقدمى الخضراوات بطريقة مختلفة وطعم جديد.
المقادير:
2 عدد كوسة (شرائح)
2 عدد بصلة (شرائح)
2 عدد بطاطس (مكعبات)
2 عدد باذنجان اسود كبير (مقشر ومقطع مكعبات)
2 عدد جزر (شرائح)
1 مكعب مرق الدجاج
1 معلقة كبيرة سمن
1⁄2 كوب جبنة شيدر
1⁄4 كيلو فاصوليا خضرا
1⁄4 كيلو بسلة
مقادير صوص البشاميل
4 معلقة كبيرة دقيق
4 معلقة كبيرة زبدة (مكعبات)
2 معلقة كبيرة زعتر (فريش)
2 عدد ورق لورا
1 معلقة صغيرة ملح
1 لتر لبن كامل الدسم
1 عدد حباية جزر (مقطعة لقطع كبيرة)
1 عدد بصلة (مقطعة لقطع كبيرة)
1⁄2 معلقة صغيرة حباية جوزة الطيب (مبشورة)
الخطوات :
- أولا هنحضر البشاميل .
- فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.
- فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.
- هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز .
- فى طاسة على النار نضع السمن والبصل ومكعب مرق الدجاج ونقلب حتى يصفر لونة.
- ثم نضيف الثوم .ثم الجزر ونقلب.
- ثم نضيف البطاطس ونقلب حتى تصفر ثم البسلة والفاصوليا ونقلب ثم نضيف الكوسة.
- فى طاسة اخرى نقلى الباذنجان مع معلقتين من الزيت.
- ترص الخضراوات فى صينية مدهونة بالزبد ويصب فوقة البشاميل ثم ينثر فوق البشاميل الجبن.
- توضع الصينية فى فرن حتى تمام النضج أو لحين يحمر لونها..بالهنا والشفا.