وزير الطيران ردا على المقالات المهاجمة له: «اللى شايف حاجة غلط يروح يبلغ النيابة»

علق شريف فتحي، وزير الطيران المدني، على ما أثارته سحر طلعت مصطفى، رئيس لجنة السياحة والطيران المدني بالبرلمان، بشأن إحدى المقالات التي هاجمته في إحدى الصحف من خلال وقائع بعدد من الشركات، قائلا: "للأسف يفتى الجهلاء ويضطر العاقلون أن يردوا، وكل واحد اشتغل في شركة طيران بقى خبير، وفي ناس بتستغل دا علشان مصالح شخصية".
وأضاف فتحي"، خلال الاجتماع المشترك للجنتي السياحة والشئون العربيَة، للحديث عن تنشيط السياحة البينية العربية: "أى حد شايف حاجة غلط يروح على النيابة على طول، وأنا أول واحد هدعمه، إنما دا مقال طبق سلطة".
وتابع: "اتهام الناس مش لعبة، أى حد يفكر إن الواحد بيبقى عنده ولاد، وبيقولولهم في المدارس الكلام دا، ونظرة الجيران ليك بتتغير، دا يرضى ربنا؟"، فرد عليه أحد النواب قائلا: "والله كلامك صح، الولاد بيقولوا لولادى في المدرسة أبوكم ما بيخلصش مصلحة، علشان مفيش حد بيمضي حاجة".